如何選擇你的航空公司會籍計劃 最近我哥哥突發想加入里數會籍人的行列，佢不斷問我join 邊間航空公司會籍好D，我最後都用三個point 分析比佢聽，今日就用呢個例子分享比大家 講下D背景，我呀哥本身為國泰金卡會員，平時都會跟我平飛保金卡，但佢現在假期多左同資金充裕左，所以想更上一層樓！佢有考慮過轉會籍去韓亞星空聯盟金卡 or 升做國泰鑽石卡，佢就不斷問我意見，我就分析比佢 坐該航空公司的頻密度 呢個我可以話好重要排第一，點解？因為你唔系成日坐佢，你得到佢的著數最少。佢又問，如果我坐佢的聯盟航空，我是星空金都會有著數 岩，你是會有著數，但呢D都會變得好基本。有好多情況下你坐翻佢自己航空公司班機會有更特別待遇，比個例子比大家 有次我去上海，返香港的時候班機取消左，我鑽石卡會員預先通知同改機票，我以為其他都系寰宇一家綠寶石都會好似禁處理，但我去到機場就聽到一個Qatar platinum （寰宇一家綠寶石）投訴冇人通知佢，冇得預先改機票，我睇地勤都只幫佢排優先候補。最終我都在同一班機見翻佢 雖然結果一樣，但你就因為唔系佢會員而變成公式服務，人地聯盟成員都會當你為二等公民 里數應用 好多時你保個會籍一定會產生好多里數，但你點去處理佢是一個好關鍵問題！ 如果你保兩間航空公司，你的里數就會分左兩邊，到時你就要考慮多一樣情況！相反，你只儲一間，你就要睇佢會唔會是換機票好易換同方便 點理解？你可以睇下佢會唔會所有功能可以在網上換到，好像以前的柏林航空禁，當你要換機票你就要在網上處理，當你處理唔到就要打去徳國處理，到時你長途電話錢都去左機票一半錢 有時候好似英航禁，佢換機票好似好易，但當你換一D奇怪機票，因為網上做唔到你就要電話，但海外電話通常冇高級會員優先，所以你就有排等，打去英國就要講英文。同埋聽講英航的稅會比其他航空公司貴，所以更唔抵！ 隱藏限制 有一些航空公司為左你要對佢有一定的貢獻，佢會定立每年至少飛佢指定航段的限制 通常在呢D位就要小心，佢好多時唔包code share 同里數換的機票。比個例子比大家，好像澳航，佢就限制你保級or 升級每年至少要飛佢地航空公司4段航班，澳航4段，即是你每年一定要去一次澳洲先可以 所以有左呢D條款，你就要好小心，一定你選左D你一年都未必去的地方你就大鑊！ 結局系我呀哥決定升做國泰鑽石卡 結局唔重要，但大家可以參考下點去處理各下的航空會籍，呢個都會好直接影響到你儲里數同使用里數的情況，希望呢篇文章可以比到大家一D攻略點去處理大家的會籍！
