如何善用你的里數 我之前就教大家點去換里數同教大家點去聰明地賺里數，今日就想同大家分享下我平時點去善用里數 好多時大家會在好多地方賺到里數，但通常當你儲到一定的里數的時候，里數都會有到期的時候，你就唔知點換好，我比大家兩個小貼士方便大家點去善用你的里數 換機票以外的選擇 我五月的時候就用左3萬里一張換左容祖兒演唱會門票。點解我會去換呢？我好記得佢公開發售預售的時候我上佢網買唔到 我上去一D第三方網站睇，佢一張A區門票要收我4千幾蚊，我心諗本來980的票，抄到要成4千幾先買到！我寧願唔睇都唔會買！ 到5月的時候，我就上網睇到Asia mile 有得換佢的演唱會門票。雖然要抽籤，但機會一定多過上網買！因為通常主辦單位會留一D位比合作夥伴，所以換到的機會都高！好幸運地，我地都換到兩張A區票 在上面的例子唔系叫大家將所有里數換在演唱會度，而系要計下數！好像容祖兒禁，當你公開買的時候買唔到，你買黃牛要4千幾的時候，你可以用3萬里比較下，平時3萬里可以換到兩張來回台北經濟價值3千幾。你用3萬里就可以換到抄到4千蚊的演唱會門票，都可以用里數同錢比，你就覺得都抵！ 當然，你一定要好鐘意呢個歌手同鐘意去聽演唱會先抵，你更要在公開售票買唔到要去到黃牛票先抵！ 換升艙好過換免費票 有時候你換升艙會抵過你直接用里數換一張機票去旅行，大家都知香港打工仔岀名少假，有大假去旅行都想去得舒服D。 有時候大家想坐商務艙舒服下都好正常，但大家一上Asia mile 網睇直接換商務機票去日本要25000一程，來回要5萬里，5萬里唔系一個好易達到的距離，聽同事講可能要成幾年先有5萬里 但如果大家用里數換升艙由經濟升上商務就容易D！特別是現在國泰放寬左可以用V class 就可以升艙，每程升艙都只需要17000里，呢個門檻就容易好多！另外，你買個張經濟機票都可以儲會籍積分同里數，對於大家要保會籍的人就好有用，你更可以儲定里數下次繼續換機票！ 今日就分享下呢兩個善用里數的小貼士比大家，希望大家都可以好有用！
