【平住豪訓】迪拜轉機住宿推薦-迪拜柏悅套房體驗-城市中的綠洲 （Park Hyatt Dubai) 今次就分享下上次我地杜拜旅行時住的酒店，我覺得如果大家唔會特登去迪拜都可以轉機停留一兩晚渡假 位置 5/10 酒店位於迪拜河旁的一個遊艇會地區，佢距離機場好近，大幾10分鐘車程，但佢距離市中心景點例如Dubai mall 就要成半個鐘，去到帆船酒店就更加要45分鐘 酒店有個我覺得奇怪的地方佢位於遊艇會的中央，坐的士由遊艇會入口去酒店門口都要成5分鐘，所以個地理位置唔系禁好 客房 8/10 酒店為一個低密度的形式，所有房都在1到4樓，酒店客房就以大岀名，佢的套房一入去就有一個大廳，大廳旁有個客廁同掛衣地方 岀面有一個露台，有一晚住個露台有埋太陽椅比你曬太陽 再行入去就是一個大睡房，我可以講張床好高，但好好訓 床後面就一個大浴室，裏面有個浴缸同企缸，雙洗手盆，超大衣帽間 大家有冇發現佢好多放衫的地方，我都好好奇，但在我Check out 時見到一個一家四口的中東家庭拎住8個喼就明白曬！ 設施 7/10 今次酒店泳池就維修緊，所以就冇得用。但佢有個無邊際沙灘泳池 你冇睇錯，佢系沙灘泳池，水系泳池水，有真沙在池邊做到好似沙灘禁，大風上來會有浪，可想而知泳池有幾大！呢個位我加左佢好多分！ 但系佢個gym room 就好細同冇咩冷氣，想像下室外40幾度，室內冇咩冷氣做運動真系想死禁！ 餐飲 7/10 我地今次都有100美金同包早餐，講左早餐先，佢的早餐種類好多，員工服務不錯，佢好似一個市場禁你要慢慢發掘食物，都好有特色 我地見到廚師都好用心整食物，例如我要份水波蛋，佢見蛋的生熟度唔理想，佢會重整，我可以話好多酒店都會再整過，佢會照比你 我地都有用到酒店的100美金，兩餐都食左佢的午餐，酒店提供午餐的餐廳好單一冇咩選擇，呢個要扣分，酒店只有食早餐的餐廳提供午餐 點擊圖片放大 +2 講翻野食，餐廳提供法國fusion 菜，味道不錯，冇個種中東味同有特色 總分 6.7/10 總括來講呢間酒店好值得來渡假，特別是轉機住一晚，可以享受下酒店設施，但當你成日要岀去就可能唔系禁方便，整體來說，酒店可以配合到佢Park Hyatt 的標準，比到客人一種個人化服務，值得推薦！
