【平玩豪用】東京成田機場日本航空頭等貴賓室體驗 今日就轉下話題分享下航空公司貴賓室，成日都講香港的航空公司貴賓室，今次就講下外國的貴賓室。上次坐國泰由成田返香港就早少少去機場去享受下日航的貴賓室 進入資格: 寰宇一家航空公司頭等艙 寰宇一家綠寶石會員 位置 8/10 佢個位置就在過關後的位置，商務艙就會在下層，如果頭等艙就要坐扶手電梯上一層。 佢個位置非常接近各個的登機閘口，由貴賓室行過去閘口都大約5至10分鐘左右 休息坐位區 6/10 休息區的大小都可以接受，集中在大廳位置 日航的高級會員有好多，所以休息坐位區都好多人，我都好難搵到位置坐。大多的位置都會以會議式，變相就要同人一齊坐，都扣左D分 餐飲 9/10 餐飲方面真系冇得輸，食物種類好多好豐富同味道好好，呢個貴賓室會有一個單點的餐饍區 裏面有日本拉麵，西日式三文治，意粉 點擊圖片放大 +2 旁邊更有一 D 凍湯同西式小食 在後面位置就會有佢最岀名的壽司，師傅會即做，佢每次都會轉食材，我今次去就系吞拿魚，蛋，魷魚。我眼見一個日本不斷拎吞拿魚，每次都成5件，食左成十幾碟 總結 7.6/10 坐位區真系扣左好多分，餐飲真系好特別，特別是有日本獨有的壽司，真系好好味同好驚喜！ 下次大家有機會來日本 or 玩頭等換機票的話不妨放棄下買手信時間過來食下野同hea 下！
