【平飛豪坐】一萬蚊馬航香港飛澳洲值唔值？馬來西亞航空商務墨爾本至吉隆坡體驗 又來到 Trip report 的時候，可能大家成日都會睇到馬航有D心動價的澳洲商務，但又唔知抵唔抵坐，今日就分享下我上次坐商務艙的體驗 Check in 4/10 我地個日飛2330機，我地大約2030左右已經到機場準備check in，一去到就見到大排長龍，條隊真系好長，我心諗，佢得一班呢個時間飛吉隆坡的機都可以禁多人？原因發現左，原來佢地只開三個櫃臺，我地最後系度排左1個鐘左右 Lounge 佢地lounge 的invitation 系比澳航的商務lounge，我就因為系鑽石卡會員所以就去左澳航的頭等Lounge 點擊圖片放大 Lounge 的環境同其他地方差唔多，食物可以話系一樣，但佢就多左個景，如果系日頭應該會好靚！ 點擊圖片放大 +4 Boarding 正因為頭先check in 要排好耐隊，我地就早少少落去等上機，我地個閘口就在新航旁邊，所以以為會好多人，點知開始boarding 時得幾個人，我地個刻都嚇親 Seat and cabin 4/10 上到機就搵左個自已個位，佢個客艙系1-2-2的坐位編排，全部位都有得平躺，睇落不錯 但系你一坐底就發現佢個位好窄，個時我減左肥都系貼住個位邊坐，未起飛已經想像到睡覺會頂腳 起左飛睡覺就真系實證左會頂腳，有幾次撞到好痛！講翻個位其他野，在單人位度就有好多儲物空間，呢個可以加分！但要注意，當你坐雙人位就冇咩地方放野，相反就要扣分 枱就放在位邊，都幾難開，要用力加轉位先做到！佢有另一個加分位系叉電系儲物櫃內，唔怕比人偷野！ 上機的時候佢已經放左一個床墊同被，呢個硬件我加左不少分比佢，因為當你坐過好像國泰商務左床墊的位就會知系唔會禁舒服，差左少少！ 但佢都有個唔好，就系商務得一個廁所，如果多人就要去返後面經濟的廁所，唔知系咪冇人清潔，所以個廁所好污衊，滿地廁紙，又嗅，真心大扣分！ Service 4/10 呢個部分系成程機的重點，其實我地上機都冇咩特別期望，因為知道永遠價格同服務成正比 由派welcome drink 到比menus 已經系一個公式化的服務，佢好似老師派卷禁比左你就算，你起飛前想有要求系即時黑臉！ 點擊圖片放大 起左飛有第一餐，佢正式來講叫小食，因為得沙嗲，其實就冇咩所謂，因為起到飛已經系mid night，但對於抵唔抵就要扣下分。真心一句沙嗲系做得岀奇地好味，因為有種真街邊的感覺，我加翻D分系呢度 第二餐就系早餐，佢會在降落前兩個鐘派，佢地馬航有個好處系可以預先系網上訂餐，我地就訂左牛扒，魚扒。基本的理解都系第一餐食既，點知上到機問下老師先知原來會第二餐姐系早餐派 What!!! 早餐食牛排？ 我真心未試過，冇所謂，因為第一餐得沙嗲，但個餐來到一見到，我都唔用文字講，大家自己睇相 餐我可以話扣佢好多分，因為真心有D難食同賣相差，佢同訂餐見到的相差好遠 除左空中服務員似老師禁公式化服務外，佢有一樣野令我嚇親，在我睡覺的時候點解有人搞我呢？平時媽媽會叫醒我，但我一起身張開眼第一個見到一個空姐冇表情禁叫醒你，我真系第一次！ 我之前坐飛機好少會有空中服務員阻住你休息，就算非國泰航空公司都唔會 呢下我真過嚇親，之後以為好快會比早餐，點知佢地都搞左成個鐘先上到餐，真心效率差D 總括來講，呢程機十分滿分我會比5.5分，合格就少少，好處系沙嗲同硬件做得幾好，服務比較差！但平心而論，當以一萬來回澳洲商務計就算不錯，都系個句一分錢一分貨！冇得計禁多 總計: 4 / 10
