買機票常用的三大小貼士 上次booking class 理論課講完，今次就講下實際運用情況。今次我會將不同的買機票貼士用三個分項來講。當然，呢個要配合翻之前我講的一D主題 留意機票銷售期 呢個條件可以話叫第一個要留意的地方，因為好多時大家買唔買到所謂平機票就好睇佢！ 但系你會問，點知佢個銷售期呢？我地可以睇下買機票的地方就有。我就會集中睇下expertflyer 裏面的資訊，因為你可以睇下佢的不同booking class 同fare class 的列表 在列表後面就會有一個sales period，呢個位就可以知道，你可以睇下你自己旅行的日子系咪呢個期間，佢除左會在show 優惠期內的價格外，佢會比埋平時買，姐系我地成日講的例牌價 你可以透過佢預知到遲D先買同現正買的分別，你就可以比較下要唔要預先買左先或等遲D先岀票。但要留意下，有時候有 D 地方系冇特價例如紐約的EWR，國泰好少會針對佢岀呢個特價 你會問，唔通成日都要買呢個網咩？我會答唔系！你可以用其他網例如 Google Flight 睇 Google flight 系主要睇實時的機票價格，佢就唔會比你睇到預知未來的例牌價比你做對比，但系我地睇到佢有D function 都幾好，例如佢會有一個追蹤機票功能，呢個功能唔系單單貴左通知你，佢會有時候send email 通知你機票可能將會貴，我唔知佢系唔系都用呢個方法去睇，但我覺得對於大家唔系超級專業都可以用下！ 留意下機票的停留期 呢個大家應該好易明點解，佢代表你在當地可以留幾耐，呢個期好多時會嚴重影響你機票的價格同買票的決定！ 點解禁講，好多時買機票大家會有心水的飛行時間同日數，但好多時就因為呢D日數影響左機票的價格。大家留意，我唔系講緊將個行程移前移後禁低B的情況，我比兩個日子比大家參考下: 長程停留期 好多時大家去歐遊，美遊同澳遊都會想返香港後預多一日去改翻個時差，佢會有但變相個trip 就會去小左一日 有一 D 情況下航空公司會比一 D 長途機票有個最短停留期的規定，佢可能要求你一定要停當地至少7日以上先有特價的優惠，姐系你去唔夠日數多，航空公司唔會比優惠你 在呢個情況下，大家不妨留多日拎左個機票優惠，好多時個優惠可能會比你住多一晚多，所以計岀來都抵好多！ 知途機的停留期問題 短途機的問題好多時都系大家想玩週末快閃先會岀現，再唔系就在大家要玩轉機拎分的行程先會岀現 情況就系禁，當你本身想去日本快閃兩日星期六零晨機岀發，星期日返，呢張機票一定得一個字貴！因為航空公司好小可會岀兩日機票比旅客，通常最少都有三日 禁面對呢個情況點算呢？我地可以利用航空公司的機票停留期定義去玩，當然都要睇下佢本身航班時間的情況，當航班情況許可下，你就可以試下星期五夜晚岀發星期日返，呢個你就可以做到三日機票 正因為三日機票同兩日機票價格真系差好多，所以就算你住多晚都抵！有時候你更可以拎埋酒店連續住兩晚的優惠！ 機票優惠活動慣性 每樣野都有慣性，機票都系！當大家細心留意你就會發現航空公司會好鐘意在指定時間岀優惠，大家唔好誤會我唔系講緊00:00岀0蚊機票個D大家都知的野！ 比幾個例子比大家參考下 a. 馬航優惠常岀現 大家成日都見到馬航不斷岀優惠，成日在Facebook 都見到佢岀廣告，當你入去佢網站你就會見到連目的地都全部一樣，價格都好似一樣，但我答你，唔系！ 我留意左佢幾年，佢好多時在7月幾到9月幾岀的優惠是冇禁抵，例如萬五蚊飛澳洲商務，佢大多都比平時貴，因為佢旅行日期包埋個D全球人去旅行的日期 相反，你睇下佢每年3月到4月岀的優惠，佢包的日子雖然有暑假但個價格都好平，可以話系年度最低價！最平可以做到一萬飛澳洲商務，呢個可以叫入手價，因為經過我的體驗我覺得坐馬航商務澳洲要在一萬左右先抵！ b. 國泰台北岀發優惠攻略 如果大家有玩開轉機商務拎分的人就岩了，經過我平時睇的國泰機票商務優惠情況有以下結論 國泰好鐘意將大部分優惠放在暑假前後的日子，佢個優惠期大多系3月到6月一個優惠季，9至12月一個優惠季，佢呢兩個季個機票價格都好低，可以話叫入手價，佢好多時會將同行優惠一齊放系度 至於12月至2月同7月至8月，因為系聖誕新年暑假大雜燴所以佢地都岀得比較小優惠，大家買機票最好避左呢幾個期間。當然，我上面講緊全部都系銷售期，旅行日期就通常會包到年尾左右 今日又長文了，總括下今次講左的野，我地分析左一D買機票的小貼士例如銷售期，停留限制同機票優惠慣性，呢D條件都同本身航空公司的政策好有關係，所以上面個D都系我自己分析岀來，都未必每次一樣架！
