中轉航班 Delay 航空公司如何處理 我剛剛玩完個兩日一夜東京快閃,在回程返香港的時候,飛機 Delay 左一個鐘先起飛,好多時呢一個鐘對一 D 返香港的人完全冇問題,但對轉機人來說就好大問題! 今日就想分享我上次去澳洲的時候因為轉機頭段遲一個鐘令到成個行程遲左成一日的經歷! 話說我當日坐馬航(又系改票個旅程)經吉隆坡去悉尼,本身坐MH433 轉 MH123 去悉尼,吉隆坡中轉時間有大約一小時十五分鐘左右,完全符合佢要求的最少一個鐘要求 今次全套票都經馬航直接岀,所以冇話分開票問題,我地大約3個鐘前到機場,見Check in counter 未開就坐下玩下手機 大家都知外站航空公司大部分系 turn around flight,姐系一架飛機飛來回。所以,當你想知你香港岀發坐外站航空公司會唔會準時就睇佢由始發地起飛準唔準時。同一道理,去完旅行想知你班香港的航空公司準唔準時,就可以睇佢由香港準唔準時飛 言歸正傳,我一用 Flightradar24 睇下來機的位置時見到佢點解還在馬來西亞領空剛剛起飛。一睇真D佢遲左兩個鐘頭在吉隆坡起飛! What!!! 雖然馬航未話我地MH433 會遲,但正常人都估到佢來機遲3個鐘,計佢香港turn around 快,最快都會遲兩個鐘! 個時禁岩屋企人講開今次終於唔系坐國泰,我就講笑禁講話可能今次坐翻國泰 當個 Check in counter 一開,我地就沖過去做第一人去處理呢件事,我在網站上面睇到馬航做左 D 小動作,我就列岀航空公司會常做的兩個處理方案 1. 轉下一班機 我在佢網上的管理行程就見到佢改左我照坐呢班機到吉隆坡,之後第二日一早飛悉尼,住吉隆坡一晚 呢個處理手法成日都見到,因為在航空公司立場坐翻自己機點都好過坐其他,佢會顧及你唔需要在始發機場已經有問題 2. 轉坐其他航空公司 繼續翻個馬航事件,佢一開 counter 我地問個職員,佢話馬航改我地第二日飛悉尼,我地要在吉隆坡住一晚,我地因為對住宿好有要求同唔想禁遲先到悉尼,我地就主動叫佢試下改其他航空公司機去悉尼 佢先比左維珍澳洲直航我地,我地拒絕左,原因一陣講。之後佢就話試改新航,但冇位又冇左,到最後我地話改聽日國泰直航,佢地都肯岀比我地 事件去到呢度,大家可能問點解可以禁快同禁順利做到改票的處理,我就會講下三個小貼士點去同佢講數!因為永遠知道自己的底細同情況就最易講到數 1. 查機位情況 好多時航空公司改位比你的時候佢已經唔會再睇你機票條款同你個 booking class,講得衰D佢只會想第一時間送走你就可以 所以你要睇到邊度有位就主動同佢講,唔好等佢地搵,唔系話佢搵唔到位,佢地會搵一D未必岩你但岩本身航空公司條件的機比你,當然你要求都未必達到,但至少可以試下 點睇有冇位,你一定要用 Expert flyer (大家唔好誤會,我冇幫佢賣廣告,只系真系好好用)你只需要選擇始發同目的地仼何航空公司 or 你想坐的航空公司查,有位就同地勤講試下呢個組合,都系個句,唔系一定得,但大機會拎到你要的機,因為比唔比都要睇翻航空公司而唔系地勤 2. 航班是否適合你 都系個句有得選當然要選,航空公司delay 要令到你改機你有一定的決定權,唔系人地比咩你,你就要,因為今次系航空公司問題 所以一定要選到岩自己的航段,好像我禁,我系所謂的 Mileage runner(里數人)我一定希望我可以坐到對我會籍有用機,所以當佢比你坐維珍直航去澳洲,我拒絕左就因為冇分儲,冇左一半分極度唔值得 但你可能會問,點解我又主動要求改新航,因為我一直好想試新航長途機,但因為次次冇分儲搞到試唔到,今次禁岩要改機,我唔介意冇分試 講翻改機儲分,因為我有呢個習慣,所以我就選坐翻oneworld 的機,我試過改其他地方轉機但都系冇位,在冇選擇下,我選左第二日國泰直航。由轉機變直航,真系唔抵分,因為足足少左15分,不過可以試到新service 都安慰下! 3. 自己要接受風險 點解話自己要接受風險,主要原因系當航空公司比左第一個爛Option 時你唔要,你要改其他,航空公司有可能唔處理你在額外延誤時間的處理 好像今次禁,馬航視作維珍澳洲直航為第一首選方案你拒絕左,就算佢改你第二日國泰機,佢都唔會比一晚香港酒店你,同樣道理,當你選擇要改在其他地方轉機,你都好大機會冇得賠個晚酒店 航空公司永遠以時間為首選條件,所以佢會幫你搵最快到當地的機去改,你要耐 D 好 D 你就要自己食。當然啦,你可能對佢第一個方案接受禁就冇問題 會員專區 有時候航空公司會主動去幫會員改早 or 其他航班,佢地會好似先知禁幫你一早處理左,好似之前我去沖繩返來打風改經名古屋返,一個電話幫你連内陸機處理曬,呢 D 真系會員專享! 今日呢個Blog 有 D 長,但希望可以教到大家點去處理呢 D 改機情況,呢幾個月台風季節限定好大機會要改票! 總知大家唔好好似潑婦罵街禁鬧地勤,冇位就冇位,平心靜氣處理問題!