里數換升艙小貼士 之前就講過點去精明地用里數換機票，但其實大家可能想用里數換升艙，希望可以坐得舒服D，今日就同大家講下三個我的小貼士 1. 選擇最大升艙效益 咩叫做升艙效益就是主要講緊升到最好的艙位。以經濟升商務計，在 Asia mile 網站條款裏面就寫左當你想升艙的航班冇特選經濟艙，你就會直接升上商務！當然啦，里數都需要多D 但正如好似話想舒服D坐商務，我就會特別選一D冇特選經濟的飛機用升艙，因為你比錢又是一樣（經濟艙）比多少少里數就可以變商務同有貴賓室 因為佢地有個特別條款指明當你個班機有特選經濟你想比多D里數都唔可以直升商務，只可以升一個艙 2. 選擇好的航線 國泰將航線定為不同組別，不同組別就可以有不同的里數要求，但是大家細心留意有D組別可以用少的里數升到好的艙等 例如當大家有興趣去中東玩，可能大家會坐中東三寶，但如果你坐國泰就可以用少里數達到舒服旅程的要求 國泰開每日兩班去杜拜航班，而每班的客量不多好易換到機票，加上國泰呢條航線冇賣特選經濟，所以你可以用低里數低機票價格直接升上商務！ 香港來回杜拜要成8個幾鐘，長途商務服務食兩餐，比起你坐去日本抵好多！ 唔想去杜拜都冇問題，你去澳州都有好選擇，國泰澳州線飛開恩茲都是比其他澳州地區要少D里數，但另條航線就有特選經濟，經濟就唔可以直升商務，但當你想用澳州升艙都是一個不錯的選擇！ 選擇短途航班就要小心，可能你一開始選左有新的平躺坐位，但之後機型轉左，你就想改都改唔到，禁點去防止呢，你可以試下遲少少先換，or 試下換一D所謂全球人都知的王牌機就少D機會改機型 3. 平買機票加換里數拍住上 我之前同大家講過點去買一D國泰轉機機票，因為佢都是商務艙，所以你都可以用Booking Class I 去換升艙去頭等 點玩法，比之前我換的例子比大家，我上次買左廣州飛東京特價 I Class 商務，再用里數把來回香港至東京升頭等，全程都系6千蚊左右，好抵！ 特別之處系你可以只要求升艙邊一段機，即是不需要用多左里數，我上次同屋企去杜拜就買左厦門岀發4千蚊，之後再升艙到商務，成件事變得超抵！ 在你選擇用邊班機做升艙一定要上searching engine 去睇下班機的買票艙等點，都系個句賣票都冇位，一定冇位換票！你可以check 埋D機型，系咪最平里數坐到最好的位，check 清楚曬就睇下國泰可唔可以留左個位先，等到confirm 先岀買個張票 好耐之前問下國泰，排upgrade waitlist 同full point redeem 系咪同一條隊，佢話唔系，但呢個消息都未經證實 所以話大家有多的里數不妨換下升艙，本身張票又可以拎分外又可以舒服D！
