美國航空行李延誤事件 話說我上次去墨西哥的時候在溫哥華中轉唔見行李，今日就分享下成件事是如何同處理方法 要講的話就要講翻由河內check in 的時候 我在河内check in 時，我已經特登同佢地check in 同事講我有另一張美國航空機由溫哥華經達拉斯去坎昆，佢地當時搞左好耐去處理，終於就岀曬禁多張機票同行李帶直寄到墨西哥 我地都好放心轉機到溫哥華，因為在香港飛溫哥華時天氣差遲左1個鐘，我地都有少少擔心！落機前同經理講聲我有美國轉機的事，佢地經理都知 到左當地，一開機門，我第一個岀去，當地國泰地勤duty manager 已經同我地講，放心一定轉到機，至於行李，佢話會幫我交比美國航空，唔會有問題 正因為呢翻說話，我就跟佢個方法去轉美國航空機，中途系未需要預先入美國境，因為美國在溫哥華入境櫃臺已關，所有坐呢班晚機去達拉斯的人都會到左美國先入境，而行李都只會在美國先清關 我地就坐左飛機到達拉斯，我地去到的時候已經過左一個鐘左右，我地在行李帶一直都唔見件行李，我地就問佢地職員，佢地一查，原來行李都冇在溫哥華上機 我地個刻呆左，我就諗點解國泰話比左美國航空，美國航空話收唔到？我地問多次去確認行李冇跟呢班機來美國，我地就快快走，因為我由達拉斯飛墨西哥的機就來飛，如果唔走就連人都轉唔到！ 我地又飛到墨西哥，入左境就直接去行李櫃臺問下點處理，佢地就起左個file 話會搵行李，佢更話大多數機會是24小時內搵到送返來墨西哥 我地比左酒店的資料就去左酒店先，我地一到酒店就同佢地講我唔見左行李，酒店又好好人，佢地有幫我不斷打去問行李去左邊，但一直都冇消息，我都試過打去問，佢地都話冇記錄 我地都已經冇期望行李會在我地離開墨西哥前拎翻，我地已經叫定佢搵到就直接送去我紐約酒店 美國航空都幾好，佢話公司可以比你買你需要用的個人用品，之後留單可以全包。但重點系在墨西哥酒店得沙灘裝，冇仼何內衣褲賣 所以我地就決定去紐約買所有之後旅程需要的衫！ 我地去到紐約每早晚都打一次個hotline，但都冇消息！在我紐約的第一晚，我收到國泰溫哥華地勤的email 話行李會寄去達拉斯，我本身都好開心，但點知我打去美國航空，佢又繼續同我講冇資料 我心諗，玩野咩，我日日打，你就日日話冇，國泰比埋航班編號你都搵唔到？我最後放棄，唔好影響我去旅行心情 我之後過左一個下午，突然收到美國航空在墨西哥坎昆的電話話我兩件行李到左墨西哥。 What ！！！我行李到左墨西哥？我唔系一早講左要寄去美國咩，我走左十世！ 之後美國航空就話寄返去紐約，我地都放心D。最後，其中一件行李在我離開酒店前一個鐘先送到，另一件因為遲左寄過去紐約要直接在機場拎 呢件事令我地成個美州行程冇行李用，不斷買新野，現在先岩岩比曬D claim 比美國航空，都唔知包唔包足 下一篇我會講下一D小貼士去防止有呢D事再岀現！
