【平飛豪坐】國泰溫哥華頭等CX888+美國轉機攻略 今日就同大家分享下我由香港坐機到墨西哥之中的體驗，今個旅程的開端已經好差！我一陣慢慢講 我地由河內飛返香港後就去左頭等貴賓室食下野，我地先去左 The Wing，但一入去就超多人，所以我就拎左張車卷去左 The Pier 去到 The Pier, 我就坐低左食野的地方，我地叫左一份頭盤，兩個湯同一個素菜burger。個burger 反而有驚喜，佢有似肉的質感，上面寫左個 Beyond burger 好對應現正個新主題 點擊圖片放大 食左少少野，我就上機，我一上到機就照平常禁放翻D充電線，吓！我包充電線唔見左！ 我搵左好耐都唔見，我決定問空姐可唔可以問下地勤有冇，過左一陣，地勤上來話搵到，但因為閘口太遠送唔到過來，佢就話不如寄過去紐約or 返香港拎 呢個真系開壞頭，我好在有準備到備用線左手提行李度，但我有條 Apple watch 充電線唔見左就收我皮！ 講翻班機，在地勤同我講個袋系邊的時候，我就飲緊香檳冷靜下，今個月國泰轉翻krug 2004，味覺唔錯，佢起飛前更有一個小食食下！ 空姐們未起飛前已經幫我選定餐，我同媽媽一齊岀遊就當然一齊食餐啦！ 起左飛準備好，我就過去佢個度食，今日D餐唔錯，牛扒好味，但個湯有D咸，我地今次連甜點都冇食就開始訓覺 點擊圖片放大 之後空姐就幫我地整左張床，照舊訓左8個鐘，我就起身叫早餐，但好可惜，我今次都系食唔到粥，因為要留比其他人囉 點擊圖片放大 因為香港差天氣，所以香港遲飛一個鐘，禁我地溫哥華又遲到一個鐘！ 之前同大家講過我去墨西哥系分開左兩張飛買，所以轉機時間都減到得一個鐘 所以今次轉機好急，我一落溫哥華機，地勤 Manager 就同我講我既行李一定夠時間轉去美國航空，佢話會親手將行李比美國航空，我地都好放心 佢就帶我地上去美國轉機的入口，因為美國預先入境已經關左，所以我地就當國際轉國際禁轉機，好快，完成安檢後還有足夠時候行下，我地成功在溫哥華轉機去美國 所以大家要留意佢夠唔夠時間轉機，我覺得如果要美國預先入境，一個鐘就一定唔得！ 但同大家預告定，我最後行李是轉唔到去美國，下一篇就講下行李事件！
