點叫做平機票 前排有人不斷問我呢張機票平唔平抵唔抵，儲分多唔多！當你已經答到唔想再答的時候就不如今日同大家分享下 要睇機票系咪叫抵有三個主要條件，包括錢同會籍積分的比例，接駁段機票價格同航班情況 錢同會籍積分的比例 我時常用呢個條件去決定呢張機票所謂抵唔抵，點計個比例？ 簡單到先將你拎到的分除你比既錢，呢個可以知到一蚊會拎到幾多分，我用一個短途同一個長途去比個例子比大家分析 短途商務 上海經香港去吉隆坡，最平試過5千蚊港幣連稅，佢可以一次拎到120分，個比例就系120/5000=0.024 比較廣州經香港去東京，6500連稅拎100分，個比例系 100/6500=0.015 純睇呢個比例就知上海去吉隆坡個積分比會高D，換個講法就系比差不多既價錢拎到多D分！ 我地又用一個長途機做例子，呢次比較特選經濟同商務 長途機 北京經香港去洛杉磯特選經濟做過9000港幣連稅，佢可以拎到150分，比例就系150/9000=0.016 差唔多地，杭州經香港去紐約商務18000蚊拎到250分，佢個比例是0.013左右 從比例角度可能坐特選經濟去北美會平D，當你現在處於一個差會籍積分的卡客時呢個技巧就好有用！ 接駁機的費用 如果大家玩開轉機航段的人，你地就會知有時本身帶機好平，但當一去到點轉過去坐，呢個費用就好貴，有可能超岀你的預算！ 比例子大家，韓國飛歐洲商務一向都好平，但大家點去韓國坐就是一個問題，飛一張直航韓國要大約3千幾，如果加翻3千幾落去你的機票費就同其他地方飛差唔多 又比多個中國例子比你，廣州飛迪拜比厦門飛差幾百蚊，我地就會考慮點過去，坐高鐵上廣州300幾蚊冇仼何會籍積分，買機票上厦門單程700左右5會籍積分，將另個考慮因素，你就會決定上厦門因為可以拎多5分一程，價錢差唔多 航班情況 咩叫航班情況就是你可選的班次是否適合你。有兩種情況票價會好平，航班時間差同轉機時間長 講左航班時間差，有時候就算始發地有好多班機飛香港再轉去其他國家，但佢地會特別地將平價票放在一D冇人選的航班，例如國泰北京飛北美有特價，佢比人選的航班只是北京一早起飛的航班，如果要呢班機，你就要早一日到北京住一晚，總費用就貴左好多！ 至於轉機時間長的問題，佢會可能因為始發地航班起飛時間同香港飛去目的地時間差好遠，所以佢會要求你在香港stay 好耐，如果你好像我禁香港人，有時呢D機票就值得入手，因為好像我禁就可以隨時返到香港返工之後再飛，可以拎少日假！ 最後一個航班情況是機位唔夠，航空公司會有坐位分配情況，呢D情況下就算你飛目的地booking class 充足，特價機位都未必拎到位 例如，廣州飛東京坐國泰經香港，因為廣州飛香港夜機商務得8個位每次I class 只有2個位，連帶香港飛東京都只有2個位，呢個叫marry segment，相反如果選早機，因為大機，大家都以為好多位，你就錯，佢限製大約只有9至10個位左右，但香港飛東京就好睇香港賣飛情況，可能香港飛東京得5個位，連帶廣州都只有5個位，呢個就會導致你最多買5個位！ 今日講左禁多野，其實機票抵唔系可以令你決定到旅行地點，因為你想唔想去先是一個重，可能南美機票好平，但你一直怕危險唔去就點平你都唔會去 買機票都好睇機位情況，話知你market price 1蚊機票，佢冇曬位你都買唔到，我成日話機票就好似股票禁每一分鐘都唔同，每一分鐘都可能會變，想好左去邊同點去就盡早決定入手，你就可以容易拎到平價機票！
