飛行的樂趣 飛行對於好多人來講只當佢是一個交通公具,但對我來講是一種樂趣 好多時我的朋友都同我講呢個樂趣是要用錢買翻來,呢個我都同意是事實!但大家追求不同興趣時又唔通唔浪費錢咩? 好多人都會時常問我飛行有咩樂趣,又不是你駕駛飛機。對於我來講,飛行的樂趣是在於每一個細節!由 Check In 的一刻到過關到登機,在呢短短一個幾鐘的過程,好多個部門都已經過不同的合作先可以有禁順利的運作! 至於最重點的飛行部分,呢個對於我來講好有意義! 因為工作關係,我24小時都有兩部手機長開,仼何時候都有可能會有不同的人打比你,就算你放假都會繼續打擾你 正因為飛機一飛左上天就收唔到信號,你個電話同自己就會有片刻的寧靜,你會好想飛機飛耐D,靜靜享受冇電話打擾的時間 在飛機上聽著音樂,飲下酒,在無人阻礙的情況下享受空中餐饍是一件樂趣!飛行會令你在那段期間放下你手上的工作,望著岀面的天空景色會令你心情放鬆! 但是,有一次我的寧靜樂趣被打斷! 記得有次坐國泰新的A350客機去新加坡,本來想安靜的食餐,突然 ”叮” 我心想,點解會有聲! 一打開電話驚見有公司WhatsApp 岀來,吓,唔系掛,禁都有信號! 之後返到公司同同事講開,原來公司話當你飛機的時候見到有得有信號就一定要開,因為可以處理公司的事,我睇翻張單,原來系飛機用一用data 要成98蚊,如果飛長途自己旅行都會試下,但如果飛新加坡既短途機,我就覺得冇禁既需要了 以後,我就醒目左,特登選一D冇機上WiFi 同網絡既機,希望保留呢一片的寧靜 講完禁多,我都覺得飛行的樂趣是每一個人自己發現,我成日都覺得在飛行時發現的事是好特別同新奇!