【平住豪訓】溫哥華凱悅酒店套房體驗 Hyatt regency Vancouver Junior suite 話說之前介紹過我坐國泰頭等艙去溫哥華,去到當地我就住左溫哥市中心的Hyatt regency 呢間酒店的地理位置超級方便,行大約5分左右就會到地鐵站,向海方向行5分鐘又到Canada place,呢個地理位置真系無敵! 我地到步的時候已經是晚上9點幾,前枱服務員好快就安排左間套房比我,今次我沒用到仼何套房卷,房間安排左在29樓,同佢的regency Lounge 同層,非常方便! 佢比個房卡時寫左兩個房號,我心想莫非就是北美成日兩房大套房?一入房,我們就先入左去細的房,第一感覺,點解同普通房冇分別! 一張大床,獨立廁所同多左個露台,但一陣就發現有個connecting room開左,一行入去就見到好大個廳,又多個廁所,佢廳個間房比細房大好多,但個view 就望對面辦公室! 點擊圖片放大 在北美地區有露台是一個好好的體驗,當你時差好早起身可以岀去吸快新鮮空氣同睇下日岀是一件好好的事! 講下今次呢個regency club lounge,我一直對北美的Lounge 冇咩太大特別期待,因為岀名冇特別,但今次好唔同! 食物上冇咩特別,都是好小野食,酒要比錢飲,但重點是服務! 佢有個服務員好貼心,我媽媽一向都鐘意用豆奶來食麥皮,佢第一日就問過佢拎,當我地第二日來食早餐,佢第一樣野已經是主動問我媽媽是否要豆奶! 呢個貼心服務對於仼何地區好少見!呢種比人感覺似屋企的工人姐姐幫你處理大小事的感覺! 今個旅程是主要慶祝哥哥生日,佢地酒店好貼心禁準備左一個超大隻的蛋糕,佢個大細是4個人都未必食得曬的感覺!佢還送多左枝汽泡酒,酒的味道好美國好甜(但其實是意大利) 整體今次的住宿體驗我比好高分,不論服務同房間硬件上都做得比北美酒店好! 我都推薦大家來溫哥華住下呢間酒店!