我的飛機選位心水 好多人坐飛機都會希望選到靚位，但咩叫做靚位就好睇你心目中何為靚位，今日就同大家講下我自己心目中咩位叫靚！ 頭等 有睇過我寫的review 都知頭等有 6 個位，6 個位都系好私隱同好獨立！ 對於個人飛，我會選擇 1A 同 2A 因為佢A個邊是獨立通道，空中服務員會較少行呢條通道 至於二人行，如果兩個都想要有窗口位，就可以選 1A 同 2A ，因為會自成一角，方便大家講野同影相！至於對窗口冇咩特別要求的人就可以考慮坐 D 同 K 個行，因為兩個人可以申個頭岀來講野 商務 離地完的頭等後就講下大家都會多坐的商務，國泰同國泰港龍的商務分為兩種，長途版同短途版 講左短途先，不論一個人或兩個人我都唔會坐第一排，因為前面要有BB籃位，佢的電視機就放在好高的位置，超級唔方便！ 最近我習慣左坐商務艙後少少的位，安靜D同方便去廁所（近後面廁所）但要注意可能坐得後會冇左D餐選擇，但如果你系diamond 就冇呢個問題！ 至於長途，如果可以的話一定是第一排的位，如果有坐過就知，國泰長途商務會有個腳踏在前面做平訓床，但基於位置問題，佢後面個D的腳踏會變到好細，個因為第一排前面冇位，所以佢個腳踏反而會比正常的大，所以會比後面的舒服！ 電視機方面，因為長途商務BB籃位不是放在電視下，所以佢是一個正常擺位的電視 經濟 返到平民經濟，經濟位大多是一樣格局，但我會選後面少少的位置，好多人問，點解唔選加長空間位，最主要是因為佢起飛同降落冇得放野，同冇得充電，個電視又要拎上拎落，起飛降落又冇得睇，所以我是一定唔會選。另外，第一排經濟因為要放枱面，所以佢個闊度比其他位小，如果好像我呢D肥人就唔系禁好！ 另個好睇個人喜好同坐位選擇，可能大家會選擇長D位而放棄放野 講左禁耐，大家都可以參考下我對不同坐位的評論去選屬於自己的靚位！
