【平飛豪坐】國泰港龍河內至香港商務艙 KA294 系河內住左兩日一夜後，我地就坐飛機返香港，呢一段亦系溫哥華頭等的開始！ 我地坐酒店車在 1700hrs 左右岀發，去到機場大約五點半左右，我地今次坐晚上 7 點幾的飛機。河內國際機場的地方算大，比我想像中為大，佢有 D 似大陸一 D 新機場禁的設計 我地就一直行去國泰港龍的櫃枱，佢只有商務隊同經濟隊，排左一陣就有得即時Check In 因為尋晚系香港已經拎左張 Boarding Pass 所以直接比佢就可以寄行李！但系唔知系咪地勤不太熟悉個流程，所以佢點都要再打印過河內飛香港的登機證！ 我地確認行李是去溫哥華後就入閘過關！佢好特別，我冇想到呢個禁細的機場都有priority 隊的安檢，條隊就一定冇人啦，因為另一條隊都多人，所以令到我地行入去有 D 怪 小提示 越南安檢要除埋鞋，連女士們著拖鞋都要除！ 過左關後，我地就去左越南機場自營的貴賓室！佢個 Lounge 比人有一種好大陸Feel 的地方！ 裏面的食物種類都多，有得叫人煮麵同河粉，有越南米紙春卷同一 D 國際美食 我地見時間差唔多就去閘口等上機，一上到機就見到是港龍新商務位，全機8個商務位坐滿，一上機照舊 Welcome Drink 同濕毛巾 我成日覺得對於一個單走道的機要做埋 Welcome Drink 同掛衫系一件好難的事，因為客就不斷入去，空中服務員就要調頭來回 飛機因為文件問題遲左起飛，河內飛香港大概需要1個半鐘左右的時間 一起飛，空中服務員就過來幫大家 Take Meal Order，我今次就選左食牛，佢個菜名都幾怪，牛排配螺絲粉，送到過來的時候見到都幾靚同味道都幾好味！ 呢架飛機都算舊機改裝同有D新的特色，例如個行李架！但佢個娛樂系統就系同WiFi 來接收，整體個流暢度都幾好，佢比的iPad 都幾好，坐位前都有個夾夾住佢 成程機的體驗都不錯同餐飲水平都好高，對於呢班機都好滿意！
