【平玩豪遊】日本福岡到大阪5日行程 我在2月的時候去左個日本5日行程,今次就用之前系 HK Express 大特價買的來回大阪機票,因為今次坐廉航,所以我地輕裝上陣目標唔買行李返香港!因為系有呢個目標,我地今次可以話系純玩團 第一日 我地坐 UO 香港飛大阪,去到當地已經是晚上 7點幾,我地換完 Pass 就岀市區,我地今次住系新大阪站旁的萬怡酒店,因為方便我第二日一早落福岡 第二日 我地就一早坐 8 點左右的新幹線去福岡,由大阪坐落去大約要 3 個鐘,去到福岡大約 11 點左右 我地之後就行去我地今次住的 Grand Hyatt 福岡,大約由福岡站行 10分鐘左右,Check 完 In 我地見時間都早,就由酒店行去魚市場食壽司做午餐 由酒店行過去大約 20分鐘左右,沿途會見到運河同天神購物街 去到魚市場,其實個度唔大,主要都系幾間食海鮮的餐廳,我地系個度食左少少壽司後就岀發去另一個地方,太宰府 由天神電鐵站坐特急再轉一程小火車就到,車程大約為20分鐘左右,一落火車就會見到條表參道,沿路會賣一D紅豆煎餅,佢地叫佢做梅餅 點擊圖片放大 我地都買左來食(冇得寄行李買手信就變食左落肚)一直行,行到尾就見到佢的真身,我地系個度影下相就走了! 話說呢個神社系祈求讀書成績好,但對於我冇讀書好耐的人,就希望工作順利吧! 因為我地好早就到左福岡同行程好順利,所以我地還有好多時間系天神購物街行下,我去扮下土豪系日本買下名牌 之後就早D返酒店休息聽日一早岀發! 第三日 我地又一早岀發,因為有pass 所以我地就選擇玩一個一日廣島宮島遊! 我地坐8點左右的新幹線去廣島,大概一個鐘就到左廣島,就再轉火車去宮島口,到左火車站後就轉船去宮島去睇海中鳥居⛩️ 雖然個日落雨,但都睇到個鳥居同個神社。之後,我地就去返宮島個邊搵左間岀名食仼食燒蠔的餐廳 由站行過去大概20分鐘左右,我地一去到就見到有好多人已經開始食緊,佢系用碳火燒蠔,因為佢系用火燒,所以個蠔殼成日會爆,個情境都好危險! 點擊圖片放大 +3 之後就因為落大雨,所以我地就返福岡休息下,返到福岡我地就食左個一趣蘭拉麵 第四日 我地今日就真系離開福岡去岡山市玩埋其他地區,我地先去酒店 Check In 寄左行李都系大約11點左右,我地之後就決定坐新幹線上神户行下 去到神户就行左一 D 名勝,舊城區,同步行街。期間我地就去左間舊樓改做的 Starbucks 飲下櫻花特飲! 午餐就系我地冇計劃下去左一間食神户牛的餐廳,佢午市套餐都會比D有證書的和牛比你,都幾抵食! 點擊圖片放大 +2 之後我地就行下個海港就返岡山,返到岡山我地見有時間就去左倉敷美觀地區行下,佢系一個有日本特色的樓同有一條運河,佢有一間岀名食甜品的餐廳,所以都幾有特色! 點擊圖片放大 +3 第五日 我地因為坐夜機,所以朝早都有時間行下,我地就去左岡山城品後樂園,話曬日本三大園,所以都行下,如果有花的季節會更靚 之後我地就坐火車返關西機場,最終我地成功繼續 7KG 完成整個日本 5 日之旅! Information Flight: 17 February UO688 ETD: 1455 ETA: 1935 21 February: UO899 ETD: 1805 ETA: 2140 Train schedule: 18 February Osaka > Hakata (N97) ETD: 0759 ETA: 1057 19 February Hakata > Hiroshima (N14) ETD: 0833 ETA: 0935 19 February Hiroshima > Hakata (N35) ETD: 1709 ETA: 1810 20 February Hakata > Okayama: (N12) ETD: 0810 ETA: 0953 21 February Okayama > Osaka: (N28) ETD: 1353 ETA 1440 21 February Shin-Osaka > KIX: (Ltd. Express Haruka No. 35) ETD: 1500 ETA 1550 Day 1 (17 February): 機場拎飛 > 新大阪 (酒店) Day 2 (18 February): 大阪 > 福岡 > 魚市場 > 太宰府天滿宮 > 天神地下街 > 酒店附近 魚市場 (Lunch) 炭火燒肉吃到飽 WEST (ウエスト キャナル前店) (Dinner) Day 3 (19 February): 福岡 > 宮島 > 嚴島神社 大鳥居 > 福岡 Shimada Suisan (カキ小屋 島田水産) 拉麵競技場 (Dinner) Day 4 (20 February): 福岡 > 岡山 > 神户 > 北野 > 倉敷 美觀地區 > Aron mall 神户牛 (Lunch) 岡山店 (しゃぶしゃぶ美山) (Dinner) Day 5 (21 February): 岡山 > 岡山城 > 後樂園 > 大阪機場 味司 野村 (Lunch) 希望大家都鐘意我的行程分享!