國泰商務飛行香港直航洛杉磯 HKG-LAX 上年八月的時候我就同屋企飛美國西岸，今次亦系我 Diamond 首飛，我今次系買特選經濟北京來回洛杉磯，8千蚊連稅！ 因為美國 Check In 前需要問保安問題，所以只可以去B區 check in，Check in 過程好順利！順利拎翻之前online 選的特選經濟 我地見時間早，所以我地就去左 The Pier 食午餐，食食下，禁下手機 APP 就見到我同媽媽 Upgrade 左上商務，但我同行的爸爸就繼續特選經濟！ 點擊圖片放大 +4 之後我去左櫃枱問，經過語言藝術後就 Up 埋爸爸上商務！ 呢次商務都還是舊商務的服務，所以照正常上機派 Welcome drink，Menus，水同個人護理包 起左飛後，ISM 照舊過來 Greeting，並 Take drink order. 我要左杯 Gin coke, 因為今次系upgrade, 所以個位就坐得比較後 起左飛大概一個鐘派第一餐，前菜一般的貨色冇咩特別 之後就有人來 Take 主菜 order，我就選左牛扒，今次終於唔洗再冇得選擇啦！ 之後食甜品就訓翻陣，訓左一陣就起身食個燒鴨湯瀨 系降落前兩個鐘佢地就開始派第二餐，第二餐系早餐，但我本人成日覺得佢地的早餐要食好耐，由果汁到最後的熱毛巾要食成兩個鐘！ 今次已經一早 Take 左我早餐主菜order，味道不錯 整體成個飛行體驗系不錯，還要比好高分，因為空中服務員好照顧我地班會員，更要多謝國泰幫我地三個upgrade 上商務 如果大家有咩想我特別分享不妨留言話我知！
