【平玩豪用】神秘的國泰鑽石卡 - 空中篇 上集系講關於國泰 Diamond Member 系地上得到的神秘待遇,今次就講下佢空中上又有咩特別! 【平玩豪用】神秘的國泰鑽石卡 - 地上編:https://blog.ulifestyle.com.hk/blogger/traveluxworld/2019/02/【平玩豪用】神秘的國泰鑽石卡-地上編/ Greeting 如果你有留意,有時上到國泰機會見到一個空中服務員拎住一袋野行來行去。之後會睇住張紙同一 D 人講野,之後更比埋枝水佢飲添。呢個就系鑽石卡會員既 Greeting 如果你系 Diamond member ,你唔止有一次 Greeting,你除左會比 Section Head Greet 完後,你會再比ISM(全機最大的人)Greeting。其實 Greet 禁多次都幾煩,佢第一次比水,第二次講野,問下你去邊度玩,玩幾耐 好多人的目的都想要佢條水,我覺得系長途機會好有用,如果短途機我都未必拎。但要留意水只有經濟先有,商務就自己飲啦! 聽講,如果你唔系國泰 Diamond而系 Oneworld Member 好多時都冇水同 Greeting Meal service 好多成日話坐國泰有時排到佢的時候冇餐食,但當你系 Diamond Member 的時候就唔會發生。佢地會預先問定你食咩留定比你,就算商務,你都可以選食咩先。呢個就正正系我之前想做 Diamond 的原因! 佢地會先問你飲咩食咩,就好像呀媽煮飯禁!例如好似港龍有特色餐的時候,你可以叫佢預先留定,慢慢食前菜! 同埋佢地有時可以系長途機留Mid flight 小食。佢地還會整埋一D卡去歡迎你等 特別小驚喜 有時 Diamond member 坐飛機夾正生日個 D日子,機上的 Crew 會比D驚喜你。 好像我上年生日上機,佢地就送左盒朱古力同成機人寫的生日卡。佢地有時會一齊唱生日歌希望你開心。 但都系個句,每一個人得到的待遇都唔同,所以大家只可以參考下我的自身經驗!