在18年十二月既時候，我同屋企人去左轉日本東北地區。我今次就分享下我計劃的行程 火車買票 （JR Pass）攻略：今次我買左日本7日全國頭等火車證。其實計下就知，坐普通等買東北7日pass 同全日本7日頭等pass 只差900左右，所以我覺得值坐好多！同埋我地最後兩日會住東京上仙台玩，坐頭等就更加坻！ 今次我系買左國泰既商務來回東京，你地會問一來就講自己豪坐商務去東京？我遲D會岀文教大家如何用6千蚊坐商務去東京。 第一日 講翻個行程，第一日我地下午一點左右到左東京成田機場。之後我地系機場換左禁多段既火車飛(之前系網上面book 左) ，去到新宿市區已經成3點幾。 系酒店check 完in 後，天都開始黑。我地就去左涉谷站附近的一條街去睇樹燈。條街好多人，但D樹燈好靚，整到成個天都好藍。 之後我地就去左銀座食燒和牛放題 (炙屋 武蔵 あぶりや むさし)，系有樂町站行大約5分鐘到。間餐廳除左有放題外還有定食。雖然個價錢比較貴，但都可以叫做抵食。呢間餐廳系用炭爐燒，所以個炭味都好足。牛就唔洗講，好香，油份好足。但有時佢會太油變到好易着火。其實呢間餐廳就系東京攻略裏面介紹既餐廳。我地都覺得抵食，四個人大約食左2千蚊左右。 第二日 我地一早坐火車由東京上函館，坐的時候由冇雪變有雪都真系好興奮。去到函館大約為1點幾，我地check 完In 拎埋房(因為SPG gold member) 就岀去酒店後面的朝市搵野食。 所謂朝市，佢地會收3點，我地在裏面行左個圈，即刻系一間蟹店買左一隻雪場蟹。個隻野都成千幾蚊，但比香港食都平好多！因為隻蟹要等一個鐘去整熟佢，所以我地去左附近的餐廳食午餐。 朝市旁邊有D魚生丼飯的餐廳。我地去左其中一間去食魚生飯，D魚好新鮮又平，我地叫左三種魚生飯，好好味。我地本身見到一個系活魷魚做的魚生飯，但之後覺得太恐怖，所以放棄。食完就去拎翻隻蟹，3點幾想入去時發現鎖左門！我地心諗系咪騙我地錢？原來只系大門關左，側門有開（傻仔了） 返酒店食完蟹後就岀發去紅倉庫參觀，我地選擇左行過去，google map 話行15分鐘，我地最後行左成半個鐘（因為地下好滑，成日差D跌死）。我地就覺得個倉庫景都ok la，但對於我呢個未見過雪既人就咩野上面有雪都系靚（哈哈） 睇完個倉庫後我地繼續行去纜車站睇夜景，因為天都開始黑。由倉庫行過去google 話10分鐘，我地行左15分鐘（有進步）去到纜車站天都黑曬，之後要排成一個鐘上山（好多旅行團） 可能對於我地香港人講夜景點都冇自己的維港靚，系真架 睇完個所謂全球三大夜景之一後就落山食飯，經過頭先差D跌死既雪地上山路後，我地唔想第一日就跌死！！！我地最後扮土豪坐的士。 去到一間叫海寿餐廳，呢度系一間居酒屋 ，食海鮮為主，我地終於敢叫隻活魷魚試，師傅將隻魷魚切個頭岀來，D肉就生食。佢地特登比個頭你等你放醬油去激活佢個頭（恐怖）我都冇禁做，愛護動物協會。 點擊圖片放大 個餐食都幾好味同抵食，可能因為佢地都有D定食。所以四個人每人一個定食D單點就一定夠食。 第三日 我地一早去左個朝市行下街，佢裏面有D北海道土産海鮮例如元貝等等。之後我地就坐火車去青森的弘前市，去到弘前已經兩點幾，我地check 左In 之後就去左火車站食拉麵醫肚。經過上次既雪地行，我地都怕怕，所以就坐的士去弘前城！ 好多人都話弘前城系應該系櫻花季節先去，但今次落雪去睇又有另一翻味道！因為弘前落大雪，所D路易行好多，我地去到睇到一個城堡旁邊有好多雪，好靚！ 去個城堡前還有一條紅色的橋，好有日本的感覺。在弘前城裏面景相真系好靚，張張都變成大師級 因為天氣太凍，所以我地就去左弘前城公園旁邊的特色Starbucks 呢間店是用以前的名人舊居改建，裏面有好多當地特色的產品。我地在個度飲左杯野同食件蛋糕就返酒店。 第四日 我地一早就坐火車落左青森市內玩。本身行程是計劃左坐暖爐火車，但佢的時候表同我地本身plan 的行程唔夾，所以我地就唔坐（下次要計劃好先岀發！）我地去到青森市就去左一個魚市場食午餐，你可能又話，又魚生飯。系，我地又魚生飯，但今次系自助魚生飯！ 首先系接待處買左D食卷，一張食卷可以換左一碗飯，2張可以換到低價魚，3張換左高價魚。重點系你要拎住碗白飯去裝滿魚生變魚生飯！成個過程好特別同好好玩，我地合共買左50張卷4個人用，每人的碗都有滿滿的魚生 食完魚生飯做午餐後，我地就行去A factory。途中，我地經過一間岀名釣扇貝的餐廳，佢裏面有100yen 60秒仼釣的活動。一場來到就當然試下！ 我同我哥最後每人一隻，可能人地都估到你地屎，所以佢會最少有2隻系送，我地四個人兩個去玩就變成4隻一齊食。餐廳會比你選一系用燒，一系用蒸，我地選左燒。唔知會唔會因為系自己釣，所以覺得特別好食！ A factory 用得個A字就知道系主要賣Apple 製品，佢A製品多到嚇親你。最特別系有一個原隻青森蘋果既果凍，咩味？當然就系蘋果味！我地系個度買到要退稅，可以想像有幾多野買啦！ 買完野，我地就短暫離開呢個雪既地方，我地坐火車返東京。因為最後兩晚住東京！ 第五日 我地一早就坐火車上仙台，去到仙台後我地再坐火車去松島海岸站。我地去到松島就見到松島的美景，影下相，行下一D免費的小島後我地就去左一個叫既餐廳。 沿住海邊一直行，穿過停車場就去到餐廳位置（牡蠣小屋），餐廳系主打仼食松島蠔。佢會放系一個鐵爐上面烤，日本大媽會教你點開，一見到你個爐冇蠔，又會無限加。非常值食！ 佢D蠔鮮味得來又好香，隻隻的大細剛剛好，可能因為個時系蠔的季節，所以好肥美！ 食完蠔後，我地坐翻火車返仙台市中心，仙台岀名食牛舌，我地搵左間百年老字號食牛舌。佢地有分厚切高級同低級，整體的味道不錯！之後我地就返東京 唔知大家對日本超市的興奮程度有幾高？我屋企去日本系必遊。今次都唔例外，我地搵左好耐東京邊度有超級市場。我地就發現左系千葉縣的浦田站有間aeon mall。佢裏面同平時香港Aeon store 大好多，貨品又齊。我地好鐘意行超級市場，買下D麵，湯包，果凍，腸仔之類既野。我地買左好多，買左千幾蚊的超市野（超跨張） 第6日 呢一日我地返香港，所以我地主要去掃貨。我地朝早去左新宿御園睇楓尾。對比起上年12月頭去，今次的楓葉少好多。所以我地都好快走。留翻D時間去買手信 呢個6日日本東北行程就系禁行，大家不妨參考下。我成日都幫人計劃行程，但有時計劃岀來都未必岩個人口味。大家不妨睇多D製作屬於一個自己的行程。 如果大家對以上行程有咩問題可以問我，我會解釋更詳細比大家聽！ 都系個句，大家鐘意我分享D咩，不妨留言比我，我分享比大家 Information: Flight: 10 December: CX526 ETD: 0810 ETA: 1310 15 December: CX549 ETD: 1610 ETA: 2020 Train schedule: 11 Dec: Tokyo > Shin-Hakodate-Hokuto Hayabusa 5 ETD 0820 and ETA 1222 12 Dec: Shin-Hakodate-Hokuto > Shin Aomori Hayabusa 24 ETD 1244 and ETA 1350 13 Dec: Shin Aomori > Tokyo Hayabusa 30 ETD 1552 and ETA 1904 14 Dec: Tokyo > Sandai Hayabusa 103 ETA 0756 and ETD 0930 14 Dec: Sandai > Tokyo Hayabusa 26 ETA 1557 and ETD 1732 Travel Plan: Day 1 (10 December): 涉谷樹燈 > 激安殿堂 > 炙屋 武蔵 あぶりや むさし(燒肉） Day 2 (11 December): 東京 > Hakodate > 函館朝市餐廳(Lunch) > 金森紅磚倉庫 > 函館山 > 函館海鮮料理 海寿 (Dinner) Day 3 (12 December): 函館朝市 > 弘前 > 弘前城 > 津軽居酒屋 わいわい (Dinner) Day 4 (13 December): 青森 > 魚市場自助丼 (Lunch) > A Factory > 東京 > 魚民 (Dinner) Day 5 (14 December): 東京 > 仙台 > 松島 > 燒豪 > 燒牛舌 (lunch) > 東京 > Aeon Shopping Mall > Aeon mall nearby restaurant (Dinner) Day 6 (15 December): 新宿御院 (紅葉) > 百貨公司 > 高級出汁 手打ちうどん 長徳 (Lunch)
