東京柏悅 日景 可能好多人都睇過一套電影，影到全個新宿高空全景的酒吧。好多人都想知佢系邊度，其實佢就在東京柏悅 (Tokyo Park Hyatt) 內的一間酒吧！ 好多香港認識的Hyatt 只有凱悅同君悅。其實，柏悅系Hyatt 內最高級既酒店品牌。每一個地方的柏悅都有佢地自己既特色，有D sell 靚景，有D sell 地段。今次呢間就sell 服務 同平時既trip report 唔同，我會主要講下點可以用平既價錢去住又靚又大既房。如果有睇我上一編的讀者就知Hyatt 每年會送4張suite upgrade award給Globalist。重點系suite upgrade? No la，重點系confirmed upgrade 。即是在你book 房既時候你已經可以confirm 左間套房。 上網睇呢間酒店既入住率超高，套房日日爆。所以用佢upgrade upon arrival 系一定冇可能！所以我今次決定用我4張既其中一張以確保我可以有套房住。 如果大家有留意開東京既房價，得一隻字 貴！房愈大就愈貴。 你地可能即刻會話你個土豪book 間普通房都唔系細數，upgrade 上套房只系常事。我話你知，你錯了！ 作為一個精明而又敢寫個report 既我，當然唔會系話你知用呢個土豪方法啦！事實上如果你系會員，你會系住其他酒店既時候儲分，儲到既分系可以換房。 禁你又會話，要儲到Park Hyatt Tokyo 的分咪好多？禁當然系啦！佢既原理就好像我地飛完拎Asia mile 換機票。要換到一張香港台北都等到頸到長 （變長頸鹿）。還要打去會員熱線同你講: 唔好意思，你選個班機冇位。What!!! 禁咪姐系儲到換唔到！放心，酒店會籍可以比你有個彈性，就系一半分一半錢。我呢次入住時還是舊制度，錢系固定，佢去將不同酒店分成1級到7級。當然愈高級，分同錢就要愈多。 其實大家都旅行都唔會話想免費，比少少錢可以有更好既享受。我上次住就系用point + cash，我個次錢個部分系用左$1600一晚。比個參考比大家個時既房價系$4000一晚，系$4000！正如我話，我今次系住套房，所以我用埋卷，confirmed upgrade 去Park Suite 根據官網價格，Park Suite 一晚要$8000。一來一回計埋變成用$1600住$8000既房。 言歸正傳，講翻間房，官網話間房有成100平方米，姐系成千尺房。試想像系東京要住禁大系一件幾土豪既事。 因為今次我系同媽媽一齊住，我地要求左要Twin bed。呢間房一入去就一條所謂既走廊，之後一過左就系個客飯廳，有一張超級大既飯枱。夜晚買D便利店既關東煮食都不知幾有霸氣（同間高級豪華酒店不相符） 重點就系呢間房既view，我住系49樓，因為酒店樓底高既關係49樓已經好像住系60幾樓禁。廳有兩邊大窗。坐系房裏面就好像住左系玻璃房禁，因為佢49樓，而新宿既樓又唔高，所以你可以完成冇遮掩下睇到成個新宿景。 日景 房既窗同大廳一邊窗是連住，令到房都可以有好靚既景。當一間100平方米的房個廳同房好正常size 既時候，佢既廁所系可以用個廳字來形容！廁所一個浴缸一個企缸是正常吧！一個化妝間一個衣帽間不是正常吧！ 廁所 化妝枱 佢大既程度可以搵個人系廁所加床 (呀媽金句: 再嘈就訓廁所） 講翻佢既服務，呢間酒店好貼心，因為Globalist 系包早餐，你check in 既時候已經問定你想邊日食日本早餐，因為要廚師早一日準備。吓，早一日準備？有咩食勁到要早一日準備？我都要求左最後一日食日本早餐，佢即刻問想系房食定餐廳食？禁大個人都未試過系酒店房裏面食早餐，就當然要試下啦。 之後佢地幫你打點所有既野，包括走既巴士飛，check out time等等。禁點解我會覺得佢服務超好呢？因為住既時候發生左個小插曲。 佢會比我地會員每晚去佢去41樓的lounge 度happy hour。我同媽媽平時都對佢地個lounge 冇咩特別期望，因為都系D大路野。我地都有上去睇睇，比我地發現佢地有日本岀既gin 酒同whiskey 。 Lounge 的Gin 吓，香港買成600一枝的酒佢都比我地仼飲，以我地D香港人唔執輸既性格當然不斷飲。點知個日系房裏面就唔舒服（我諗大家明架啦）系我地清醒過後打去housekeeping ，佢地找左個人來清潔，佢地先做左個初步先，第二日再整既時候己經清潔好曬。我還記得打過去既時候佢地還好似唔好意思過我添，搞到我地好唔好意思 （可能人地心裏面罵緊我） 還有一件可能對於佢地系好普通既事，但對我地來講好貼心既事。 話說，我哥好鐘意日本既面鼓，你冇睇錯，系面鼓。一包成2,3 KG，佢話要6包！What！！！ 6包？我系Sogo 買比你好過吧！算，我見我行李又有限額（但完全冇諗過點拎返香港），我幫佢買。拎返去既時候佢地都傻眼禁望住我。之後返到去房，收到電話，佢地主重問我地要唔要pack 箱。我即刻話好，我地都以為佢地就禁比個箱你自我解決，點知原來佢幫你pack 埋。 包箱前 我都有聽過有品牌既酒店 (岀左名有管家個間) 會幫你執行李。但佢唔系就禁執，系幫你pack 箱，暫放系樓下。等你check out 上巴士時放埋入行李箱。 所以我覺得呢次住宿體驗系可以見到日本人既細心。 我都覺得自己講左好多野 （長氣長文），如果大家鐘意我岀呢類型既report 不妨留言話我知or 你地想知D咩都可以留言問我 Tokyo Park Hyatt (東京柏悅) Website: https://www.hyatt.com/en-US/hotel/japan/park-hyatt-tokyo/tyoph
