此坑渠蓋不同彼坑渠蓋！！♥ 唔知道大家去日本除咗去望下高樓大廈之外，如果能夠細心留意一下地上的石屎路既話，可能都會發現一些好有趣既嘢。 每次去日本，除咗有時帶客人去特定景點參觀，有時就去見客人之外，總會少少自由時間可以自己周圍走吓。如果大家好似我成日都咁好奇，又鍾意咗八八右八八的話，細心向地下一望，大家就會發現好多好有趣好有本土特色的坑渠蓋。 有D 簡簡單單，只是刻上特別既圖案可能代表住果嗰縣或都市的特色風景/事情，有D仲會花上一定既心思，喺渠蓋上配合圖案油咗唔同既顏色，真心覺得挺特別，好有特色! 老實講，比起香港既嚟講，香港果d 真係失晒色，完完全全真係一個坑渠蓋就係咁多。當然你都可能會講都係坑渠蓋實用咪得囉，真真正正會有幾多真係好似我咁會去欣賞? 你都可能講得岩，個個香港人咁忙碌，有人講笑咁講見到金都唔識執。 不過我會相信都唔會去到萬中無一，連一個人都唔識去欣賞既，總會有個識花之人。 有時真係覺得香港政府應該花少少心機去規劃一下香港藝術文化點樣能夠融入係社會中。 大家去日本時，會唔會都好似我咁睇下人地D坑渠蓋呢? 匠心の旅 Travel Plan Ahead
