日本零食【問與答】冷知識 II ♥♥ 收到好多朋友好奇的問題有關日本零食，今日再抽出幾條最多人的問題嘗試去滿足一下大家的求知慾! :) 日本既紙袋/膠袋基本上都係任攞? χ 從7月1 日開始大家就無呢支歌仔唱啦! 大家去超市或大型百貨公司買嘢如果攞膠袋都要俾錢的，每個大概5円左右，而紙袋可能要收取大概20円左右，所以大家之後去日本SHOPPING 記得帶定一兩個靚靚環保袋呀!~ 2. 過咗賞味期限, 還可以食嗎? Ο 呢個問題我都問過生產商朋友，佢地都講其實大家係賞味期限都留在少少BUFFER係到既，當然如果係一些蛋糕及奶類製品就最好唔好食啦，但明白到都有唔少大頭蝦好多時買咗但又唔記得食，所以基本如果係一D餅乾/乾貨類賞味期限過了一個月，其實問題都不太大，但味道可能唔係最脆口/最好食!~ 3. 標籤上的標誌是什麼? Ο 大家果然係日本通，呢個問題都發現到，其實佢係印咗係包裝食物所使用的物質: 如: 紙, 袋(PP, PET??)等等，目的係用作環保，大家都知道日本人都有收垃圾時間表，星期一可能係紙，星期二可能係玻璃樽等等，其實係方便大家分類，如果大家係香港都有垃圾分類的習慣，不妨可以參考一下!~ 大家如果想再知多一點, 可以重溫 日本零食【問與答】冷知識 I♥♥ 仲有好好食既日本零食推薦俾大家! https://blog.ulifestyle.com.hk/blogger/travelplanahead/2020/06/%e6%97%a5%e6%9c%ac%e9%9b%b6%e9%a3%9f%e3%80%90%e5%95%8f%e8%88%87%e7%ad%94%e3%80%91%e5%86%b7%e7%9f%a5%e8%ad%98/ 匠心の旅 Travel Plan Ahead #Japan #負けない #travelplanahead #匠心の旅
