【日本口罩小錦囊】 + 【推薦可以真真正正用足12小時口罩】【特別篇】♥ (以下2分鐘長文可能長DD,但都希望大家肯發少少時間睇睇!) 首先香港人輕鬆下啦... 同大家猜個謎語: 謎面:『回』猜有錢都可能買唔到既日用品 (謎底答案就係最底!!) 就係咁既....呢幾日都見到好多香港本地口罩係咁出鑼,其實係一件好事,因為香港終於有自己既香港品牌。不過好想喺呢到提一提大家,我覺得係訂口罩前有幾點大家可以注意一下: 【1】 買期貨口罩 。其實大家而家買緊唔係現貨口罩,因為可能要到最快4月先有得囉。你可能會話一百幾十,但如果有成好幾十萬人登記俾錢,條數都幾大架。再加上原材料貨源短缺問題,所以提一提大家最好KEEP番好INVOICE 到時有乜事都仲有少少保障。 【2】 口罩未被驗證。 好多本地口罩廠都係第一次做口罩,生產廠房/生產線/甚至口罩抗菌/病毒旳能力都可能有待時間去測試 驗証,所以口罩做唔做到"抗病毒"大家就要拭目以待。 【3】 個人資料。好多時都要大家先登記資料。大家登記資料要睇清楚有無講明資料用途? 如果真係有不法商人將D個人資料賣出去,大家既私隱可能就無咗個保障架啦..所以睇清楚條文係比較好。 不過我相信絕大部分都係香港良心企業,都係想為香港出一分力。而明白大家撲口罩都可能撲到人都顛。不過身為一個精明既香港人,大家係撲口罩時都可以先諗一諗。 好啦....講返轉頭,好多朋友都問我知唔知邊隻口罩好用呀? 當然我唔係專家同埋每個人用既時間,場合同埋要求其實各有不同,所以大家可以當係一個SHARING 。因為工作關係,我自己呢幾個月其實都係用開日本口罩為主,其他國家口罩好同唔好我就無辦法可以分享。 自己做開旅遊業,基本上成日都要坐飛機,所以我自己例必放定少量口罩係身,再加上去到日本,日本人自律性比較高,當如果自己有少少感冒唔舒服,都會戴番個口罩,基本上我使用口罩既經驗可能真係會俾香港人多少少。所以見到朋友咁好奇不如係到同大家一次過分享一下吧...! 我自己皮膚係極度過敏型,即係一個普通既口罩我戴唔夠4個鐘,皮膚就開始起粒粒,個鼻頭即刻紅紅腫腫甚至會標瘡。我諗好多朋友都有類似問題,加上好多香港人又開始正式返工,而家日戴夜戴,有時可能一個口罩要戴成日,而家天氣涼涼地都仲好少少,再遲少少夏天我諗大家長期咁戴落去皮膚好快就見頂。 所以我自己選擇口罩時其實都有少少要求及心得。呢排自己都試咗好多隻日本牌子...三X元/超X体.超快X/小顏X/白元/MASK36X/BMC/FITTY/IRIS.....你可能會問點解可以試到咁多款?? 其實因為去到日本一盒50個包裝我又唔夠人爭,每次都係買到一包包得3個/5個/7個,仲要左搵右搵先有一兩包,所以係迫於無奈咁試晒所有日本口罩(基本上)...所以都知道邊D係比較好用。不過好老實講日本口罩個質地普遍都唔太差,所以如果大家之前喺日本藥房買到既口罩基本上都可以安心使用,不過我自己對口罩要求都分咗幾級, 大家可以參考一下【圖1】。 而圖一講既【超級撒亞人】要求口罩就係我呢排成日用開既 『DR.C 4+日本高級口罩』。我自己就用得幾好...真係戴足12個小時又無乜點出豆豆再加上透氣度都唔錯(唔知係唔係之前已經爆到無得再爆....哈哈),所以推薦一下俾大家。 其實呢隻牌子有LAYER 3+/4+/5+/10+,不過我就覺得唔需要太多,岩岩好足夠防到VIRUS 4+就得。同埋佢有防霧氣計設俾戴眼鏡朋友,又真係幾WORK.. .**【不過如果你有對金屬過敏就千其唔好用呀】**.... 因為佢有一層係用上日本JP水解鈦嚟抗菌。(其實大家可以睇番香港都有D店舖都有出售緊呢隻口罩,老實講係好用既,但係我就好少見到有人講番俾大家知有部分人士係唔適合用....所以係到提一提返大家注意事項。 DR.C醫學 4層口罩詳細資料可參考【圖2】【圖3】 !!! 不過呢隻口罩其實都唔平..都要15HKD至20HKD一個(PC) 無錯...大家無聽錯...係一個唔係一包呀!好多人都會即刻話咁貴架...不過,如果自己真係識計數既話其實一D都唔貴。 好老實呀...一個4+口罩可以用12個鐘,正正常常普通口罩一個就只可以用到4個鐘我當你點都要用到6個鐘先肯換,所以每日基本上都要换2個,如果質料唔好戴到生晒豆豆,睇皮膚醫生/買護膚品既錢都唔止呢個數,同埋如果成日坐係寫字樓/辦公室既朋友對住部中央冷氣唔買個真係可以防到99%以上又比較舒適的既其實都幾高危! 如果有機會見客就更加要買啦....純白色口罩用嚟襯西裝/領太肯定PERFECT MATCH,最重要最重要當然係顏值勁升LEV.......HAHA.... 其實當大家開始返工返得耐,要日日都戴口罩時,口罩物料長遠都好影響皮膚..唔好出晒粒粒時先去換呀..到時就太遲。有專家都話可能係打長久戰, 慢慢可能變成風土病....救命! 提一提大家【FIT SIZE】都好緊要... 都唔怕話埋俾大家知,我自己其實係要戴SMALL SIZE因為如果NORMAL SIZE.我面額兩邊完全可以放到兩隻手指入去‧名副其實係小顏一族,所以通常影相我都自動自覺行最前架啦.....HAHA 所以重點係唔好以為男孩子就一定用NORMAL SIZE/女孩子就一定要用SMALL SIZE。自己試真D,都唔想大家戴咗等於無戴一樣變得唔安全。反而得無所用。 最後,當然如果口罩供應不足時,就無得左揀右揀...但如果機緣巧合之下﹐俾你係香港日本超市見到有得買(我之前見到有兩三間都有賣過),就不妨買一兩包試一下,我建議大家可以買6個(我記得一PACK 有3個)先試用 一個星期。睇下自己岩唔岩用,好用先再入貨。順帶一提,呢個其實係日本高級名牌口罩嚟架....出面有個LOGO架....即係可以媲美大家名牌包包.....如果疫情都要好一排先會緩和落嚟,口罩可能會係FASHION介既熱潮之一..(身份的象徵) 當然如果大家戴既時數唔多,好似落一落街買本雜誌/去一去SUPERMARKET 之類,反而用返基本版就可以了,但如果成日要坐係OFFICE,成日都要OT既朋友,可以試一下我既提議,買嚟試一下吧! 實實在在寫明可以戴足12個小時,用得比較安心。 極力推薦給上班一族 可以使用長達【12小時】的日本口罩!! 謎底: 當然係【口罩】一張大被蓋過口 .....♥ 希望可以幫到大家啦..!! 有興趣的朋友可以CLICK 入去睇睇! https://hk.carousell.com/p/dr-c-mask-日本高級四層口罩-145mm-90mm-30pcs-1002443619/ 匠心の旅 Travel Plan Ahead