『新潟』【季節期間限定直航初體驗】 如果以前大家想去新潟旅行，我相信好多人都會考慮先飛東京再轉坐新幹線上去。又或先飛去大阪再轉內陸機到新潟機場。今次就特別少少，選擇咗由香港直飛新潟的航班，嘗試一下另一種新體驗。 由香港直飛新潟需要5小時，當降落時真係會覺得個機場好細下，基本上都無乜國際航班飛過嚟! 但唔好以為細機場入境檢查就好求其，係入境前已經量體溫，同埋會問你喺14日內有無到過湖北省的地方。問完之後就會俾一張藍紙或紅紙你。差唔多到櫃台攪入境手續前，又會有一個人俾多一張紙大家再要係紙上圈上YES OR NO 去過湖北省再寫上日期同簽個大名。去到櫃台就交俾入境人員。雖然多咗程序，但都喺想大家安心入境之後玩得開心! 過咗海關，一出去就見到個機場。有幾個日本人走過嚟問可唔可以幫忙做個問卷，當然沒問題啦，幫到一定幫的。做完之後還送了一包新潟手信特產"柿の種" 脆卜卜的米餅再加上花生、用嚟送酒真係一流! 跟住就走去INFORMATION CENTER確認一下巴士時間，問一問佢嘢就俾咗一包新潟米我了。感覺新潟人好平易近人又親切。覺得自己無選錯坐直航過來。 之後就坐機場巴士去到新潟火車站大概需時25分鐘左右，建議大家可以先喺新潟駅附近住一晚。但喺到提一提大家，巴士落車車站就係南口而另一面就叫万代口，如果酒店訂咗近万代口的話，就要花上一點時間。由於車站係到做緊維修工程，所以由南口走去万代口都要花上一點功夫，如果囉住行李的話，最好就搵部電梯啦.... 點擊圖片放大 相信喺呢一刻，大家比較關心的，可能喺係邊到可以搵到口罩? 俾大家一個小TIPS，可以試一下去BIG CAMERA同YODOBASHI到睇睇，但都係果句顧己及人，足夠便行了。唔好俾日本人一個壞印象吧! 航班: 由2019年10月30日至2020年3月28日 每逄三,六由香港直航新潟,詳細內容可以參考以下網址 https://www.cathaypacific.com/…/e…/port-launch/niigata.html… 巴士: 由新潟機場到新潟火車站每20分鐘就有一班，車程大概25分鐘，車資為420円(上車俾錢就得!) 今次係囉咗個外遊領隊牌後第一次正正式式帶隊出征日本，最後仲有一點小意外。但整體嚟講都可算順利，亦都相信團友們都滿意安排的。 當然跟得我去玩就要玩得特別一點啦...!! 之後就會繼續追擊日本新潟好玩好食的好地方，大家要留意啦....! 匠心の旅 Travel Plan Ahead
