小京都 岡山的“倉敷” 大家有睇新聞都有提到,京都遊客多到連當地的居民都叫苦連天。 已經迫到水洩不通的京都,小弟都怕怕。基本上我自己已經暫時OUT OF MY LIST。因為迫到行都行唔到,邊到仲有MOOD周圍行? 去到唔知係影人定影相。 好老實的,如果大家已經去過京都﹐同參觀過好多名勝古蹟的話,不妨睇一睇我推薦的深度遊的地方吧! 咁當然你未去過日本京都,我都覺得係值得一去的。始終係日本的古代首都。 講開又講,今次想介紹一個同京都一樣咁靚的地方就係位於岡山的 “倉敷”又有小京都之稱的地方。 無論係建築,環境 甚至食物都有8成同京都相似的地方。 喜歡食個飽的朋友,可以一邊行一邊食,因為實在太多好好味的食店可供選擇。不過,記得食完一間再去另一間,唔好一路行一路食喎。 喜歡睇景的話,有著小橋流水,包含咗京都的古色古鄉。去到你一定會喜歡的。 喜歡藝術的朋友,大把藝術館俾大家選擇。大大小小都有成20間,要行晒應該就無可能的事情。不過可以抽一兩間自己喜歡的行下。 喜歡咖啡的朋友,可以試下他們自家焙煎的KOBA CAFÉ….喜歡甜品就唔好放過他們的時令水果的蛋糕或雪糕。不錯架… 愛日本酒的朋友,可以買番一兩支做手信也不錯的。 可以點去呢? 由岡山駅出發到倉敷駅大概需要17分鐘左右,如果坐新幹線的話就11分鐘左右。 其實都幾方便架…. 匠心の旅 Travel Plan Ahead