去沖繩美之海水族館 即日來回 無開車 都唔駛怕 夏日炎炎,最好就是去沖繩走番一轉。享受一個陽光與海灘的假期。 今次版主去沖繩其實不是渡假是另有目的的,但還有少少時間空檔所以便即日走去了全亞洲最大的水族館看看。差不多也有十年沒有到沖繩本島了。每次基本上也是到八重山的島嶼參觀及玩玩。好多朋友也說去沖繩最好便是自駕遊吧! 其實我也很認同。始終只有那霸才有單軌鐵路,其他地方也要靠巴士來接駁。巴士班次又不是十分緊密,不小心走咗一班車可能要多等一個小時。所以版主也認為開車是比較好。但今次沒有開車,版主只是利用高速巴士即日來回那霸及沖繩水族館。原本以為要多做功課才能做到TIME SEAMLESS。但事實比想像中容易。 版主在那霸落機後,當然走去問INFORMATION CENTRE 如何即日來回啦! 其實個服務員也挺NICE英文也不錯。最開始也是用英文去詢問 (其實是想試試她們的英語程度),但最後版主也用回日語了,個服務員即刻開心番晒…. 還教我如何坐車,最後巴士開出的時間等等….她還教我如何購買即日來回票每張慳回2000YEN,一個慳2000 兩個就4000YEN喎。成300HKD 可以叫多一個和牛來吃吧! 咁去邊到可以買到呢? 即日來回票只有在DOMESTIC AIRPORT那邊買到的。基本上所有香港直航到沖繩也是在國際線到落機的。但可以行過去本土線也大概10分鐘左右。有一個BUS SERVICE CENTRE,好易搵 係中間位置。去到會見到兩位本地SUPER NICE ANTIES(我遇到是兩位) 她們會好樂意幫你解答所有疑難。她們會擔心你夠不夠時間去玩啦! 會唔會好趕啦! 呢個時間會唔會塞車啦! 去到有乜重點地方一定要去啦! 會唔會好多人一齊迫啦! 好人到一個極點呀! 可能版主似佢地個孫吧! 走時仲叫我自己小心D…..即刻WARM 晒! 其實真係好抵…如果上到車先俾錢就要差不多2500 YEN一程左右,而家來回都是3000YEN 真的慳唔少。好似D客成日講"應洗則洗"。仲可以過對面COUNTER買埋入場卷,每張1850YEN。去到即入場唔駛煩。 但坐高速巴士也要差不多兩個小時時間。來回也要四小時左右。開車大概3小時來回吧!呢點大家要注意了。 如果還沒有去過這個水族館 又或想一家人去多一次加上沒有車牌的話,也可以考慮用呢個方法。起碼可以上車後休息下唔駛煩行錯路又怕沒有車位泊車吧! 版主覺得是值得一去的。 小TIPS: 高速巴士是No.117。 去程: 基本上個個也是那個水族館站下車的。上車時先取一張車票,有一個數字係上面,是為了証明你是在那個巴士站上車的。下車時把這張票及在巴士中心購買的來回票給司機。他便會給你處理。一張撕掉,另一張留給回來用的。 回程: 回來時巴士站便在水族館的對面。一上天橋過對面馬路落橋便看到巴士站了。回來時就到旭橋駅巴士總站(市區中心)下車便行。下車時給巴士司機看看你的回程票,不要自己把它撕下來,否則票便可能無效了。 不要坐回去機場呀!! 时間: 高速巴士也十分準時。所以建議大家在15分鐘前最好便到巴士站排隊了。走了一班便要再多等45分鐘了。 重點是開車或坐巴士也好,做足準備就唔怕去到心慌慌了,有時還有驚喜呀!! 當然唔想煩可以搵人幫手做旅劃吧!跟住大家一齊定下來的計劃走走看看,便可!! Travel Plan Ahead!♥