岩岩黎韓國果陣，周街都係coffee shop，而coffee shop入面好多位都放晒書呀電腦但個位就冇人既？唔危險架咩？ 但係住耐左先發覺 原來係韓國文化，韓國人國民教育好，加上科技發達你行到邊坐到邊去到邊入到邊都『一定』有cctv影住，所以韓國其實連罪案都好少發生的。 呢一兩年我見到的韓國警察都係好休閒，個個瞼帶笑容，又主動幫外國人（就算唔識英文），得閒買下杯coffee，吹下水，係韓國做警察都幾唔錯。 話說今日約左好耐冇見的韓國姐姐，一齊出黎傾下計食飯仲帶埋電腦出黎係coffee shop spend左一整日！其實係韓國真係好正常，韓國地方多coffee shop又多又大，唔會話坐多一陣陣會被人白眼。even 好多情侶 其實講真邊有咁多街去丫，佢地都係會帶部電腦去間舒服的cafe坐低一齊買杯coffee睇套戲 就date一日。 肚餓 姐姐話想出去食飯，咁佢就話d野放晒係度得架喇，電腦都係，我心諗下？真心？ 黎左咁耐我都被訓練成 可以丟個袋同我堆書係coffee shop 出去行街食飯，but 電腦？seriously？ 跟住姐姐就話，see！ 係cctv，有佢就得，果然又係韓國人作風，天不怕地不怕，我呢個香港小城人真係唔夠佢講，所以我地就丟低晒所有野，拎銀包就閃左去食飯，仲食左個幾鐘先返！ 其實細心留意返，成條街，或者入一入coffee shop 都會發現每個角落佢地都有cctv架！冇死角！太強勁！ 不過我覺得都係啦 （香港人警覺性一向高）有人要拎的， 理得你有冇cctv。 我平時加上朋友們都唔係住係市中心同埋少外國人先會咁放心姐 哈哈 始終都係重要野跟身好d，同埋係人多或旅遊區就唔好咁做喇 姐係果d咩明洞 果d 囉 lol
