明洞 出左名 係冇咩特別野好食 有都係呃遊客的 明洞最開心的 可能就係掃街比較集中 但係掃一掃其實都唔平架！ 之前母親大人 （又）駕到，非常鐘意韓國的她 鐘意shopping同食野，可惜唔食得辣！成個禮拜我都盡左我最大的努力 為佢搜羅首爾唔辣的美食！ 唔簡單架！ 因為講真韓國好多美食 但係住耐左食耐左就會發現都係同一個顏色：紅色 仲要差唔多味。 因為行程的緣固迫不得已 要係明洞就餐 我當時真係頭都爆 買化裝品就話真係一流方便姐 係度食飯真係十萬個唔願意。 咁我就4圍望又4圍搵又上網search 竟然比我搵到一間 韓國人都大讚大推介 的 「韓式炖牛排骨」店 重點係唔辣既！ 其實見到佢所用的材料 一目鮮名 十分簡單，但係牛排骨勁入味！勁好食囉！ sorry我係完全要比100分！ 肉質勁痴線解甜 完全唔會煮到過老，岩岩好 勁Q彈 唔會食到痴晒牙那 果d呢！ 個汁撈飯先得人驚呀！有咩可能咁夾架！母親大人勁歡喜食到佢！ 餐廳仲提供埋 夾夾同鉸剪 食起上黎勁方便 又唔洗成條排骨 放入個口度 損黎損去 勁無儀態 好好好好食！ 除左主角 牛排骨之外 仲有勁多伴菜 同個 清湯 食完勁幸福！ 我地叫左갈비찜“小“ 算係2人份 小：39,000 won 中：49,000 won 大：59,000 won 剩左d汁覺得好浪費？ 可以試下做個韓國人，韓國人係好興好鐘意出去出面食咩都好 如果有汁剩低都係可以拎黎整返個炒飯架！驚你唔飽咋！ 你可以好簡單叫個炒飯 볶음밥 然後叫店員幫你整就得！＋2000won 另外仲可以叫一樣好出名的冷麵同餃子添！ 上埋韓國節目同新聞都有介紹架！：http://www.ajunews.com/view/20141216105314107 餐廳：강남면옥 地址：서울 중구 명동1가 48-2번지 미래빌딩 5층 電話：02-3789-7117 其他地方都有分店架！ 明洞係其中一間 明洞站 6號出口 出黎 一條直路 行到見到ABC Mart 附近就係架喇！ 好易搵架！行5－7分鐘到？（條街無人的程況底下…………………都幾難） 又或者 乙之路入口站 6號出口 行落黎又得 5分鐘到
