今年係第2年參加汝矣島的櫻花慶典喇，一樣都係櫻花盛放 不過一樣係人山人海（流汗） 今年醒目左唔weekend先黎，揀左個weekday的下午約左日本朋友一齊黎賞櫻，點知都係多人到都唔知黎賞人定賞櫻，不過已經比預期好好喇，記得上年weekend黎 係行都行唔到……燥住底咁賞櫻 細心留意其實樹身都開左好多櫻花 雖然櫻花係主角，但係你話要勁粉紅佢又唔夠呢隻梅花咁粉wo！ 其實Plum Blossom都好靚架！ 雖然人山人海，但係慢慢散步行到漢江邊 就有幾棵零零丁丁又開得幾靚的 冇咩人影的 比我地捕獲到！ 到底佢地有咩魔力呢？點解好似影極都仲想影 要欣賞汝矣島的櫻花祭典就要係3月尾至4月中呢段時間來了！早d又未開！遲d又唔得 櫻花真係一剎那架咋！ 咁岩我地今日3個又係jeans外套，點搭車去果陣成車都係牛仔褸！笑左 春天的氣息加上又有盛放著的櫻花 梗係要買埋士多啤梨應晒景應晒節咁黎汝矣島對住果條漢江野餐啦 2位日本妹妹 因為驚白鴿係度勁尖叫同雞飛狗走 我真係笑到標晒眼淚 本身唔係突登話plan左黎汝矣島，但係突然天氣咁好，咁岩又唔洗返工，留係屋企真係傻豬啦！就算唔係櫻花季平時黎漢江公園都好舒服架！（雖然佢冇我地維港景色咁靚）但係佢地又真係整左一個大到望唔到盡頭的漢江公園比市民任意使用。 韓國人最勁係 送外賣 竟然連呢個大到會迷路的公園都會送囉！ 例如你order話：唔該我想要盒芝士味炸雞＋啤酒4枝 我地位置係近江邊 有3棵樹 右邊有條樓梯 左邊有個垃圾桶 唔該！ 但佢又真係 搵到你先好野！ 點丫？係咪吹佢唔漲？ 驚你冇錢比咋！ 走果陣見到呢隻狗仔細細粒 但係見人吠 吠到把聲都失聲咁濟 都唔知話你得意 定係一隻傻豬 雖然 係好舒服的一個下午，但係韓國的春天入夜都會凍架 10度都冇 所以太陽落山我地都閃 走果陣5：30 都仲咁多人 就算你冇帶野食野餐 又咁岩肚餓 真係唔洗驚囉！ 話明係祭典梗係有野睇又有野食啦！成街都係唔同的串燒，小食 仲有勁多米酒燒酒賣添！岩晒鐘意小酒怡情的我呀 或者你囉 聽講汝矣島的夜櫻仲靚 不過我就未體驗過喇 唔通下年？ 韓國 首爾 永登浦 《汝矣島櫻花祭典》 地址：首爾特別市 汝矣島 永登浦區國會大路 (汝矣島洞) 서울특별시 영등포구 국회대로 (여의도동) 方法： [地鐵] (1) 2號線堂山站4號出口，徒步約20分鐘 (2) 5號線汝矣渡口站1號出口，徒步約20分鐘 (3) 5號線汝矣島站5號出口，搭乘162、262、461公車至國會前下車 (4) 9號線國會議事堂站1、6號出口，徒步約5分鐘 [公車] (1) 汝矣島純福音教會 : 263、461、753、5615、5678、5633、5713、6623、7613號公車 (2) 國會議事堂 : 153、162、263、362、461、5615、5618、6623、8153號公車 搭巴士驚你唔識落車咋！坐地鐵再行路啦！一路散步沿路又賞到櫻花 其實都係一件賞心樂事
