其實全州 除左出名 全州石頭飯之外 全州呢間叫 PNB的朱古力批係勁出名！全州條勁靚的韓屋村就有間老字號同幾間小分店，出面都係排晒長龍，就算係韓國人每次黎全州都係一定要買返屋企做手信的！ 佢地出的朱古力批真係勁勁勁好食！ 唔知大家平時有冇食過一隻紅色包裝叫「情」的朱古力批？簡直同全州呢隻PNB冇得比！ 佢入面係冇「情」果隻批入面勁多綿花糖勁甜！ 佢出面的朱古力勁脆皮， 朱古力批個蛋糕身又唔會太乾難入口，入面就係cream夾心 加埋佢地特製的果jam ，簡直係完美的組合呀！ 首爾有好多話自己係正宗的全州朱古力批，但係試果幾隻都好乾 朱古力又得個甜字，一定要黎全州買返佢地既老字號朱古力批呀！ 朋友大姨媽同大師姐咁岩又去全州，所以特登叫佢地買個比我過口隠，點知一買就買左2個比我，仲要係我未試過的！ 圖中 左： 係 全州白朱古力批 好味！表面脆卜卜 勁大個食完lunch都唔洗食 右： 係 新出的 全州芝士朱古力批 ～～～～勁鐘意！好suprise！！神奇地好食！入面個夾心cream係細細個 食過果隻 芝士波 的味道呀！ 大師姐話：記住總店先會有最多味揀架！ 好想再去全州呀！
