又到左每年韓國最靚的春天 天氣又舒服行到邊都可以賞櫻睇花 唔似得香港的春天又濕又熱 樹都無棵 有都可能比人斬左 um。…返正題先 其實今年真係好想去鎮海條鐵路睇櫻花樹的，我個friend大姨媽同大師姐係咁叫我join，不過因為真係有點遠同埋岩岩上個禮拜母親大人又黎拜訪韓國的關係，我真係無左半條人命 所以決定留返係首爾好好休養算 市內都好多櫻花姐！ 今年其實好早櫻花3月尾由韓國南部慢慢開上黎，黎到seoul最靚最盛放就係4月8號果個weekend，黎到17號呢個weekend其實已經係花尾 出晒綠芽 怪怪地咁 眨下眼就完左 櫻花真係落街轉個圈都見到 去唔同大公園 或者汝矣島的櫻花祭都好靚 但係度度都多人到呢 睇人多過睇櫻花囉 不過可以…考慮下去kyunghee uni 慶熙大學，唔係黑sell自己間學校 係真係好靚同唔洗同人迫 成校都係 行到邊都見到 慶熙最標致性的 地標 附近 都開滿櫻花 呢道係 慶熙 國際教育學院後面 通往藝術學院 條櫻花路 春天會變左粉紅色／夏天會變左綠色／秋天會變左紅色／冬天就變左白色 4季都幾靚 影張全影先 遍地櫻花 櫻花路 慶熙小後山 藍＋粉 慶熙 櫻花海全景 其實4季都好靚 要聽返首 櫻花樹下 成地都係櫻花 影唔完咁 好似 日日經過都會影幾張 忍唔住 記得有個西班牙朋友真心咁問我 「到底幾時先會結果？結出cherry車厘子出黎？」我以為佢玩野啦 咪話應該下個禮拜囉！點知 佢真係傻豬到以為 cherry blossom 係會結出一粒粒的cherry子囉！到底西班牙人 係幾咁天真 真係 一棵櫻花樹就出賣左佢，我慢慢解釋返啦，佢唔信我即刻google完就話：「我竟然做左28年人 今日先知 原來cherry blossom tree 係結唔出cherry子」 仲叫我唔好同人講添 um…………… 櫻花加埋個藍天真係 冇得輸 除左白裡透粉紅的櫻花 其實梅花都好靚 忍唔住日日放學都黎散一散步 雖然係開得好短暫 不過香港真係睇唔到呀 睇唔到今年櫻花的，夏天秋天黎一樣都好靚 坐一號線到回基站회기역1號出口一出黎轉巴士1號到終點站就係 ／ 識行的行15分鐘就到 勁方便
