真心估唔到 東大門 竟然有好野食！平時我除左轉車真係冇咩野都唔會黎東大門，呢道真係百無，除左DDP個design plaza或者你係黎零售批發市埸講價買衫囉，真心買得一件佢又唔平得去邊同埋 韓國朋友同我講 其實個市埸 好多都係made in china的貸，韓國人先唔會係果度買衫囉 我又一個唔小心講左好多廢話 8-) 東大門美食？ 傻架你 真係無咩囉！ 大部份都係呃遊客既！勁難食portion又細！ 之不過……但係又係真係估你唔到又估我唔到 竟然有間 15900 won 姐係HKD大約＄100蚊到 可以任飲米酒又食醬油蟹的餐廳 一入去 講幾多位 就會為你先準備第一round人頭數量的份量 有蟹蓋飯，醬油蟹，醬油蝦，辣醬醃蟹，沙律，配菜一堆等等 瀨尿蝦，韓式薯仔炆雞，makgeolli米酒，沙律同其他韓式伴茶等等都係自己出去buffet bar 就有拎，記住食幾多拎幾多呀，唔準丟hk人假呀！ 醬油蟹我就成日聽 醬油蝦我真係第一次試 勁好食囉！主角原來先係你！勁大隻啖啖肉！諗住呢個價錢想好食都真係難D 諗住黎試下又見到班friend，點知又唔錯wo！ 咁當然同新沙洞5萬won一個人果d冇得比啦 但係呢個價錢咁新鮮入味仲無限refill 到底想點？ 成班朋友約左成個月先黎到，特別係日本姐姐 未食已經流晒口水，到底日本人有幾鐘意食醬油蟹同蝦 香港人輸晒！ 我地refill左5次 最後果2次 直程同d哥哥講 새우만 많이많이 주세요! 唔洗蟹喇 淨係比好多好多蝦得喇 thankyou！ 哥哥都識做 唔洗錢咁fill比我地 ！ 仲有呢個 拎塊紫菜 加d蟹蓋飯 蟹膏同魚子 一啖放入個口度 :-P :lol: 8-) 不得了 平有平食 平有平開心 餐廳：순미네 행복게장 （變做中文的話 唔通叫 幸福醬蟹？） 地址：동대문 · 서울특별시 중구 을지로6가 18-37 東大門文化歷史公園站14號出口行幾分鐘就到 電話：02－2268－2059 韓國d blog都有介紹架：http://intastytour.tistory.com/25
