其實唔講唔覺 首爾入面的又大又靚的公園其實好多 就好似呢個 兒童大公園咁 坐7號線어린이대공원역落車 行出黎就係 咁簡單岩晒我呢d冇腦又冇方向感的人 公園面積大之如 一年4季又有唔同景色 又係一個除左去弘大明洞 享受假期的好地方 今日同朋友冇野做 又黎左一轉 晒下太陽吸vitamin d 同picnic！！ 講你都唔信 入面仲有動物園 竟然係免費 唔係話睇隻雞有2隻兔仔果d 偽動物溫室，係真心有 真獅子老虎大笨象的動物園囉！ 咁好天 weekend 留係屋企係咪傻架！？ 梗係出黎透啖氣啦！ 唔係香港落樓聞到果d 巴士小巴的廢氣，係真心 真大自然的空氣囉！一家大細 情侶齊齊出動 勁開心 竟然有Hakuna Matata 的 丁滿 唔知邊個得罪左山羊媽媽 佢眼神唔係話太友善咁囉 後面果2隻b 識做都自己閃開左 我真係好 o 咀架 竟然係呢度見到老虎 但係睇耐左有d 唔開心，因為佢地其實係住係咁細的地方 仲有超靚仔的豹哥！想點 勁型！ 我一開始以為係一隻巨型的海獅，但比我個friend點醒左，原來佢真實身份 係一條鯨魚？ 係真唔係呀？ 我地抵b到忍唔住 買左隻pikachi 氣球風車 坐埋一邊 野餐 어린이대공원 이용시간 兒童大公園 開放時間：早上05：00－晚上22：00 想晨運或搵個地方幽會的朋友 可以考慮下 真心 入埸費：免費 園內動物園：早上09：30－下午17：00 園內動物公演埸： 平日11：30－16：00 假日11：30－18：00（11月到3月至到17：00） 費用：成人：6500won ／小童：5000won 睇過一次 小朋友應該幾鐘意幾開心 不過呢驚雀的朋友要留意返 入面勁多飛行表演 係唔係都嗌既你就無胃入去嚇親小朋友同小動物啦 地鐵：Children's Grand Park Station Exit no.1 地址：216, Neungdong-ro, Gwangjin-gu, Seoul, Korea (Neung-dong) 網址：http://www.childrenpark.or.kr/ －自己睇啦 有英文架
