通常沖繩比人感覺都要自駕遊, 但唔識揸車其實都無咩野, 公車都去到好多地方, 只係班次好疏, 另外都可以考慮下當地一日巴士團架 :) 可以去到沖繩北部, 仲會包埋景點入場券, 好過搭公車 沖繩有兩間公司都有提供local tour, 而我簡既係Naha Bus. 一共有4條路線, 我參加既係B團, 去海洋博公園, 菠蘿園,玻璃工場, 比較少景點因為我想係水族館留耐少少唔想走馬看花, 點知我行哂成個公園都仲有時間剩 -_- 所以我個人會推介C團, 會去埋琉球村&萬座毛 點擊圖片放大 上網預約時唔駛比錢, 報到果陣係office入面交錢就ok架啦, 而報到地方係那霸巴士總站果度, 好易搵到 . 日本導遊係完全唔識英文的, 全程都係講日文, 但完全唔識日文都唔緊要架, 因為佢會舉個牌出黎叫大家係果個鍾數集合, 知道呢樣野就夠哂了。日本人好守時, 所以務必要準時番上車。題外話：我當日一半團友係日本人, 另一半咁岩全部係香港人, 而坐我後面既香港人講野勁嘈仲唔用earphone就咁用電話播聲睇片... 前面既日本人都係咁靜同覺得無咩野咁, 但我就覺得激煩, 尊重人地係常識吧~~? 可唔可以唔好丟香港人既架 orz 預約網址 : http://okinawa.0152.jp/ (カタカナ 填英文姓名就okay)
