唔知有冇聽過茨城縣呢個地方呢? 平時去日本都鍾意出走東京或者大阪，既可以食地道美食、新鮮魚生刺身，又可以去唔同商場shopping大買心頭好。趁住就黎入秋，特別推介位於東京近郊的茨城縣! 有住豐富的自然資源，同時一年四季都有綻放的花卉，無論咩時候出發，都可以欣賞到唯美的天然景觀~ 交通方式 (從東京出發到水戶) 電車65分鐘（乘坐常磐線特急列車Super Hitachi） 汽車60分鐘（利用高速時/三鄉IC～水戶IC*）* I.C為高速公路出入口 1) 國營常陸海濱公園 面積約200公頃的園區內，一年四季都可以見到百花盛開的靚景! 以大片粉蝶花交織的湛藍絕景揚名海外，以為只喺得春天先有漫山遍野的花海? 咁就大錯特錯啦~無論你幾時想睇花卉美景，都可以黎到呢個公園，唔會令你失望啦~ 秋天的時候，喺10月初到中期，都能夠喺主要的賞花地點「見晴之丘」見到差唔多成3萬幾顆的掃帚草，姹紫嫣紅的掃帚草盛放滿地，紅色一團團遍滿5萬幾平方呎的山頭 (相等於6個標準足球場!!!)，非常壯觀又夢幻! 每棵紅色波波草之間相距約70厘米，連成直線，整齊又有規律! 如果想親眼目睹如詩如畫的世界，就要把握秋天出發茨城! 園內仲有摩天輪等小型兒童樂園，同埋都會可以租借單車，咁就唔使行得咁辛苦，踩住單車可以環繞公園，好適合家長帶埋小朋友一家大細齊齊出發! 地址：茨城縣ひたちなか市阿字浦町552-18 電話：029-265-9001 時間： 3月1日〜7月20日 9:30 – 17:00 7月21日〜8月31日 9:30 – 18:00 9月1日〜10月31日 9:30 – 17:00 11月1日〜2月底 9:30 – 16:30 費用：成人¥450（約HK$32）、小童¥290（約HK$20） 2) 笠間稻荷神社 「笠間稻荷神社」喺日本三大稻荷神社之一。 所拜的神是「宇迦之禦魂神」，是所有種植産業的保護神，同時又喺防火神。到而家已經有1350多年的歷史。每年參拜人數多達350萬人次。每年由10月中就會開始舉辦為期一個月的「笠間菊花節」，仲有騎射比賽等各項精彩活動! 如果初夏去的時候，就會見到八重紫籐，一串串形狀好似提子的花朵令人大開眼界! 不妨前去茨城睇睇具有100多年歷史的日本最古老菊花節! 圖片來源: 茨城縣觀光官方網站 地址：日本〒309-1611 Ibaraki, Kasama, 笠間1番地 電話：296-73-0001 3. 袋田瀑布 袋田瀑布高達120公尺，被譽為日本三大名瀑之一，因為分咗四段落下，而且，四季都黎睇一次先會知道其真正的美好，所以又有“四度瀑布”的名字。 秋天黎到的時候，五彩繽紛的紅葉會將瀑布四周點綴得鮮艷奪目，形成美妙如畫的景觀。如果想更近距離欣賞壯麗的景觀，可以嘗試從觀瀑隧道走到觀瀑臺，感受更宏偉的瀑布。 地址：茨城縣久慈郡大子町袋田3-19 開放時間：8:00～18:00 (11～4月9:00～17:00) 茨城呢個地方值得秋天去~天氣舒服又可以順便玩埋東京，靚景之多相信你唔會捨得走! 睇下更多景點介紹啦~
