成日去曼谷shopping，除咗不可不逛的翟道翟市集，當然就是市內一間又一間的大型購物商場啦~一路歎住冷氣，一路買地道好物，邊食泰式小食，先係頂級享受！當地著名購物商場Terminal 21、Central World百貨、Siam paragon作為每次都必去的打卡點，巳經會行到悶~今年有新開幕的商場喎，當然要去望兩眼，睇下有咩值得入手啦! 1) 曼谷新商場之The Market Bangkok The Market其實早就喺今年2月正式開業，喺曼谷全新潮流集散地之一，岩哂鍾意Fashion的潮人呀! 商場位置都幾方便，喺BTS是隆站附近，同埋離Central World商場同埋Big C超市都好近。 商場總共有六層，同正宗翟道翟市集一樣主打平民風格路線，裡面有成千間商鋪，除左有國際品牌進駐，仲有好多地道特色小店，賣的都喺比較有文藝氣息的服飾小品，幾適合文青同埋鍾意小品風格的旅客去架，其中「Chatuchak商品區」更加販賣100幾間翟道翟市集中的人氣商品~ 而且，商場設計比較寬敞，加上用色上都選擇行清新路線，所以都相對覺得舒適自在~優惠仲好多! 值得去! ▲掛住平時飲開的珍奶? 商場竟然有老虎堂!!! 地址：111 Ratchadamri Rd, Khwaeng Lumphini, Khet Pathum Wan, Krung Thep Maha Nakhon 10330, Thailand 營業時間：10:00 – 22:00 交通方式：BTS Chit Lom站，步行約十分鐘 2) 曼谷新商場之ICONSIAM 如果話ICONSIAM喺曼谷購物新地標之首，應該絕不誇張~雖然商場喺2018年底開幕，但都好想介紹給大家~因為無論從環境、景色定係商場設施同店鋪，都喺好有質素的~ ICONSIAM位於Khlong San區內，地庫兩層加上地面八層的購物空間，佔地75萬平方米。雲集咗不少國際以及泰國本地頂級品牌的時尚精品、SOOK SIAM水上市集、電影院、文物博物館、首度進駐泰國的日本高島屋百貨、連全泰國的第一家Apple Store都可以喺呢度搵 到! 令我最印象深刻的就喺SOOK SIAM水上市集! 室內水上市集設計仿照泰國著名水上市集而成，集合咗全泰國77個地區，超過300多個特色小攤檔，售賣泰式小食、甜品、熱食及特色手工藝品和手信等。小販會穿上傳統泰國服飾，坐喺小船上叫賣傳統泰式美食，完全覺得自己融入咗係呢個民族當中。雖然位於室內環境，好可惜唔可以親身坐上船感受地道風情，但就絕對可以喺市集入面，一嚐泰式美食的無窮滋味! ▲水上市集~滿滿的民族氣息~仲有綠葉襯托~ 而商場前方則喺River Park河濱公園，約10,000平方米的大型開放休憩空間，行完街可以順便散散步休息下，而且前方仲可以欣賞湄南河畔的景色，入夜後，更可欣賞到聲光水影表演，節目豐富，要大概預一個下晏去行下就差不多啦! 地址：299 Charoen Nakhon Soi 5, Charoen Nakhon Road, Khlong San, Bangkok 營業時間：10:00-00:00 交通方式：BTS Saphan Taksin 站，轉乘免費接駁船 或 BTS Krung Thonburi站，轉乘接駁巴士 最近仲有一間商場喺8月底全新開幕! 全新的購物天堂，雲集左超過二百幾間國際品牌，睇黎可以盡情掃平貨呀! 睇下有咩值得入手啦!
