講返少少轉頭，係領事館拎咗visa後，因為我唔識日文嘅關係，所以走去日經報咗個bb班，認識下50音，同時佢地有工作假期嘅諮詢，解答到日本住、學、做野etc。本身我唔識死，幻想到極美好，諗住去到，可以隨意走入去d拉面鋪、咖喱飯鋪問：你哋請唔請人呀？請呀？咁就有份工..... 我實在太天真....根本係冇可能，連"你哋請唔請人呀？"日文點講都未識就遑論人哋會請。所以搵日經幫手報間讀3個日文嘅學校，我上年只需要畀200蚊手續費就一條龍幫我搵學校同租屋。 （決定搵日經幫手前，你要確定你有做追數佬嘅天分，可能係200蚊or有好多真正嘅"大客"(真係去日本留學一兩年果d)關係，係搞手續嘅3wks入面，大大話話上去日經超過1x次先搞得掂d甩甩漏漏，佢哋又比較唔上心） 係大阪，日經有得揀嘅學校唔多，好似兩間，東京就多好多，我都係撞彩，唔知邊間好邊間唔好or邊間有香港人讀，咁我揀咗近難波果間，話曬市中心，起碼買野方便d...佢地一般4、7、10、1月係短期班開學，我咁岩入到去係4月正式果期，所以比較多同學，多數係韓國、越南、中國、台灣人，但幾百人入面，得我一個香港人= =" 80%嘅年紀都係20-30歲，其餘嘅係讀完中學就過嚟嘅1x，冇社會工作過，比較傾唔埋。呢幾百人入面，20-30%人好似我咁，拎WH Visa，讀3個月坐一坐就走，其餘都係為咗考N1再讀大學or專門學校，無論你屬於邊隻，都係同一班上堂，當然事先會考個分班試，再接程度細仔d分班。 C1係已經有唔錯日文底嘅人，C12就50音都唔識嘅人，而我就分咗去C9，都唔知點解，可能都係亂咁嚟。基本上每班唔同人種都分得幾混，但坐我隔離嘅中國同學，已經識曬用嚟上堂嘅"大家的日本語" = ="程度非常之咁懸殊....又基本上日本d老師都幾好人，都識dd英文，有時迫不得意，都會出手翻譯解畀我地聽。 星期一至五都要上堂，每日1-5pm，日日都有小小test，3日一小test，再5日一大test，進度好趕，我就日日都要溫，溫少一日已經乜都唔記得，3個月大約1萬港幣學費，會包埋1次去奈良集體旅行嘅車費同便當＋學插花，其實好抵架！淨係有日本老師教，條數已經係返到。 下次講租屋：）
