從來都冇諗過，淨係識あ,い,う,え,お嘅我，隨意地寫咗篇英文嘅理由書（雖然申請前，網上d人話要整相整到五顏六色吸引領事館對眼，又話要寫曬之前去過N次日本，有乜經歷過，學過乜手藝....但我始終覺得篇文寫得踏實，勝過N張相同公仔），好好彩比我成功到... 當你決定申請果一刻真係冇需要諗一萬個問題比自己：唔識日文點算、搵唔到工點生活、舉目無親一個人點照顧自己....，的確有D係多餘，到你真正拎到個visa offer先再煩都未遲。 因為要係拎到visa三個月內出發，我選擇搵多個錢＋慢慢準備＋等個心適應下＋鼓起十萬個【勇氣】（其實事後好多朋友/親戚講返，先發覺自己好勇，可以放低一份人工不俗嘅工、離開屋企人、擔心一年後返黎搵唔到工....的確唔係人人做到，但只要踏出第一步，出走會令你經歷到嘅所有，你就會知道以後再難嘅路你都可以走下去），所以11月收到offer嘅我，3月底先出發。 除非你日文好勁or已經搵到工，第一站多數都係去東京/大阪，我選擇生活水平低ddd嘅後者。一去到關西機場，日文...全部唔識唔緊要，show個visa比職員睇，佢就會比個牌你，點你去排日本人條隊，以為佢會即刻比"在留卡"我...原來唔係，只會比幾張紙你，好似行街紙咁，等你有固定住所後14日內，去附近嘅市役所(民政事務處)搞在留卡、保險（人人都話要買保險好d，2xxx en一個月，如果你多頭暈身興就建議你買，睇醫生睇牙醫做body check一般平七成，但我好少病，所以冇買，一年慳返嘅錢可以交4個月租，又不過咁，如果冇買保險一般上唔到台買電話同join plan，ps.我係事前已上網買咗兩張半年制嘅上網卡，所以冇呢個問題）。
