一朝早起身食左個杯面就去左galaxy 個泳池玩，佢有個滑梯啊激流啊周埋有浪既池，都算ok既好玩既，一家大細去就最岩喇。 12點幾就check out 去左大馬路個邊食葡tart ，呢間野抵佢排晒隊既，係好好食，同葡萄牙葡tart 始創店有得揮～ 點擊圖片放大 食左個小食之後又點會比佢停，之後假澳門人就同我上左街市食咖哩面，佢話係非常local 野，仲要好鬼平，平到個點係20蚊有找。 仲要幾好味，旁邊個台中學生竟然lunch 係度打邊爐，係澳門街市上面食野真係好平啊！！！ 食完開始行行程，去左大三巴影左d相，其實主要係想去睇lego展，但係去到都無既，有無人知道lego 展個位置係邊呢？？ 之後又行山，行左好耐上左去東望洋燈塔，個塔好靚，仲有舊時d人打風會掛個d風球signal 擺係度。 係塔度落返黎就去左幫屋企人買手信，佢地唔知點解會係macau 買一樣好奇怪既涼果，仲有指定店鋪先有得買，咁就搵左陣就同個叔叔傾好左個價錢先講話買4包，1磅一包。 咁我唔知個叔叔係聽錯定係點啦，佢開始pack，不過佢pack 好多，一家多過我要既數，咁我問佢一磅一包喎～ 佢就話唔緊要啦買多d。。blah blah blah 佢pack 左4磅一包，仲同我講成條數成10000蚊 。。。我心諗無野啊嘛買涼果買成份糧既價位會唔會係咁啊。。。。就同佢講我要唔到咁多，我只係要4磅。 佢就係咁打算比兩包pack 好左既我大既8磅左右仲同我講我計平d比你1000啦。。。其實我自己係咁諗呢間係唔係黑店，點會買兩包由10000 降到1000 之後仲係咁迫你買，最後因為我企硬話要4磅，所以佢都有小小黑面咁買完就算喇，始終幫屋企買。。。我咁樣打出黎唔係想唱佢定點，只係覺得一直我認為澳門人係好純樸同埋有良心，賣野既地方都好小會係咁樣呃人。我唔知係個叔叔有心定無心，不過以後去澳門我都唔會再去佢度買野。呢個trip 都小小覺得比佢ruin 左嫁。。。 行到5／6點就返返去galaxy 再戰鬥過，無理由輸比何生嫁嘛，咁就去左玩琴日睇完都唔知玩咩既claps 街機version :lol: 我見我隔離個大叔玩得好開心咁就入左我身上剩餘既20蚊入去賭埋去，點知傻人有傻福，買咩都中，哈哈～ 因為部機好多時都1賠12 ／1賠36既關係小妹我用20蚊係10分鐘左右就拎返400 走路去食晚飯。 （ 多謝何生） 因為boardway新開張，賭場有好多好抵既coupon 想你留係度消費。佢出左個35蚊dinner coupon，所以我地去左foodcourt 睇下有咩食睇下岩唔岩再算，佢35蚊一set 有面有小食有前菜仲有野飲，真係算係咁啦，所以就坐低食左。味道都算唔錯，因為行得較遠，所以無咩人去，環境都幾好。
