一落機見到個海關真係好舊，好荒涼 :lol: 好似睇卡通個d西部牛仔有d草球look look 下咁，好搞笑。 原本我地係租左車既，但係因為間野有d問題同埋好似黑店既關係我地就去左搭的士返酒店，by the way 個間叫做santorini holidays （ 唔好間佢租車啊～） 我地今次住既酒店係KARAMI BEACH 附近，係resort hotel。個pool望住個海個種都幾靚。係check in 既時候就問左reception 搵資料睇下有冇車租同tour可以參加，我地去個日原來係santorini 既一個special day 會係火山島放煙花，所以我地就報左個dinner tour 去山頂食晚飯同睇煙花，個tour 有來回接送既，65euro一個人，其實幾貴下，不過一生人一次就試下啦；） 放底晒行李就行落karami beach 睇下同搵野食E下肚先，佢下面得一條街，兩邊都係d手信舖感覺有d似去大浪灣咁哈 呢邊d海灘多數係石灘黎，所以d外國人多數係黎sun bath 同推油。都無咩人會落水玩，係karami beach 既盡頭就有個位可以玩cliff jumping 既。 超大個郵筒不過唔知有無郵差黎收信；p 呢個就係我地食到無停口，日日都想encore 既wrap 只係2．6 euro 一個乍．！！！佢其實同kabab好似不過就多左d薯條放係中間。 食完影下相就返去酒店pack小小野就等車黎接我地喇。 呢個tour 除左我地酒店外，仲有幾間酒店都有賣呢個package，上到去見到個view 真係無得頂，第一日既希臘日落我地就睇左3個鐘，飲下野傾下計後就差唔多有野食，呢餐係食buffet 黎既，成餐飯最好味既係沙津，頭盤同lamb。不過都係食個view 所以就算啦，等到8／9點終於放煙花喇，其實香港人真係好幸福，成日有得睇d好勁既煙花，係希臘個種係一粒一粒咁放，可能佢地無錢啦lol 係去到尾放左幾個比較特別既款就完左。我自己都有d失望既，可能係我expect得太多。 around 10 點我地就走啦，因為好凍，係summer period 個溫差好大早上可能三十幾度晚上得返十幾廿度個種，所以記得拎件外套出去。 我地去食個間餐廳叫GEM 我覺得岩兩個人拍拖食飯多d既餐廳，佢個地址係santo winery 旁邊。
