好采今日天氣好好陽光普照，所以我地就去左甘川文化村，地鐵土場站6號出口右轉轉搭小巴(1-1、2、2-2)，再跟著遊客下車就可以到達入口。 呢個地方係個老人區，係d比較窮既地方，政府同一班artist 為左活化呢個地方所以做左好多decoration 同埋藝術品都會係呢個district 出現，而家呢度係一個好火既旅遊點。所以影相發燒友擇閒日去會比較好，星期六日會勁多人。呢個景點免費，但我會建議係info度買份導遊圖，因為有stamp hunt可以玩之餘仲會送你兩張postcard。（如果你搵得晒） 呢度好大，如果有心機睇晒可以玩足一日，但我去個日勁熱，行左3個鐘就唔得喇，快快影晒chck point 同去cafe 買返杯americano 救命。 ps 小王子係呢度好出名，所以點都要影返張留念啦。 臨走前行過人地d屋前，忽然間有隻小汪（可能1－2個月大）走出黎，佢好慘豬，可能主人出門個時佢偷走左出黎，返唔返入屋，自己躲係d花盤度避陽光，有試過knock 門，但無人應，只好去洗手間拎d水比佢飲，希望佢無事啦。 :oops: 我地之後又搭車出發去釜山博物馆，聽網友話呢度有體驗館，有得玩茶道同著韓服影相。我地去到有d遲，所以茶道個個section過左只係可以著韓服玩，去到做個簡單既reservation之後就可以入埸，個韓國呀豬媽好nice 識講普通話既，問晒我地想著咩就會好落力咁幫我地著衫，佢又好鬼sweet 咁話我地好似韓國人。 （ 哈哈，一定係豬精單眼皮啦）玩完就入museum 喇，個館我覺得唔係太tourist friendly，唔係全部都有英文explanation 同埋d video 都係韓文黎，所以好快行晒就走佬嚕。 去新世界商場睇下，佢拎左健力士記錄全世界最大既商場。係頂樓有個位置有個art 既展覽，都好特別。用色好trendy ，好fantasy個種。 係cinema 旁邊就有間機舖，韓國人真係好鍾意k pop。連機舖都有karaoke box。1000won一首歌，好正。 點擊圖片放大 行到攰就返南浦食韓燒，都無搵話邊間特別好食既，都係燒肉應該都差唔多，所以搵左間最平就入。叫左個2人餐再加5花肉。成餐飯我就一直比隔離檯個韓妹望足全程，事關我係地獄小廚神，所以肥豬為左唔比我浪費食材就全晚好好服待（呵呵），但係釜山男係差唔多全韓國最大男人個種，所以我見個韓妹成晚都好忙咁燒比佢個男人食，但係我就好似個大爺咁等食，可以佢好難以理解呢件事。 ＝p 如果我早d食韓燒既話，我可能會要求餐餐都要燒， XD 好采最尾個日先食乍。哈哈。
