因為落大雨既關係，好多原定左既景點都無得去，所以我地就去左札嘎其市场食brunch喇，oyster 同生食八爪魚仔。呢檔姨姨好好人，又肯平又服待周到。札嘎其市場既145號檔口，佢全埸賣得最平嫁啦。個人覺得因為太多中國人去韓國所有野都拉高晒，所以好難講價。難得呢個老闆娘肯減價，所以都試左好多我之前未食過既，我覺得生八爪魚仔係幾好食喎～個口感又好特別。下次再黎我都會搵返呢個好‘人姨姨。 點擊圖片放大 食飽飽就去左行商場，可惜今日係星期一，lotte 同另外一間大商場都係星期一休息，真係黑到貼地＝ ＝ “ 我地又無雨傘，出面又落狗屎，所以係地下街行左好一段時間我地等細雨小小就跑左出去。就咁我地就explore左d新地方，我地又去左人地既local market ，入面分開兩邊，一面賣餸，一面係熟食市場。下雨天緊係要食綠豆餅啦，所以是但搵一間坐底叫左拌面同煎餅。大大個煎餅都係2000won，超級抵食．成餐都係6000won 已經食到飽晒，所以去韓國搵食真係要識路。食完行多兩個街口畏食既我又發現左新野，雪糕macaron，你知啦女人有兩個胃，就算幾飽都好都會有肚食甜品，所以又買左，不過就有d失望，都係原始macaron好食d。 點擊圖片放大 +2 之後又再慢無目的咁係條街度轉黎轉去，發現左有間新商場試業，都好多young line，都幾好行又有得意野賣，仲有超市include 埋。如果一早知頭先就唔洗係條街浪費勁多時間。 ＞＜ 9點幾佢就收喇，咁我地又唔想返酒店住就去左運動埸站諗住影相，點知行到去最靚個spot 佢就夠鐘熄燈！點解啊！！？？真係地獄黑仔王。。。。。。唯有去隔離homeplus度掃零食順返條氣。 homeplus 同lotte supermarket 都有唔同商品做discount，如果鍾意掃零食既朋友有時間既話不妨行晒兩間，你會大有斬獲。＊＊兩邊既商品都會有小小唔同，我都要係兩邊行晒先買到我個checklist 由期係honey 薯片（而家香港都有－3－所以要選擇性咁買d 特別野返黎）＊＊
