一大早起身，係7仔度食咁D野就出發去海東龍宮寺，要由南浦搭到去東面差唔多最後個個站咁制，之後仲要轉巴士。 一落車就係對面馬路睇到呢舊石大大隻寫住海東龍宮寺，所以唔怕會當失路。一路行入個寺會見到有d小食既店啦手信店，不過價位就真係麻麻喇，都係割遊客嘛～ 咁一行到寺2既範圍就有12生肖既像，留底左倩影就行喇。 點擊圖片放大 +2 聽寺入面既人講，佢地過幾日就有D節慶所以周圍都掛晒燈籠。影相都好靚，佢地話晚黑所有燈籠都會開晒燈，好特別。可惜我地撞唔岩時間＝（ 點擊圖片放大 +2 大大隻金豬＝3＝ 龍東寺個paranorma 好靚有山有海。 係龍東寺附近既path 可以行山去第2個寺院，其實成個海岸都有好多大大細細既寺廟，而龍東寺就係最大最出名既。 所以勁多遊客。參觀完我地搭返車去地鐵站，去海雲臺，因為落錯車既關係我地行左好耐先到，行到死死下＞＜ 去到海雲臺第一件事就去左information centre 因為我好想食釜山好出名既豬肉湯飯。所以就問左info 姐姐邊度好食。 info 姐姐推介左附近街市既舖頭比我地，由information centre 行兩個街口到就會到喇。韓國街市其實同香港既都好似樣，不過佢地就多d賣海鮮，盲鰻同八爪魚佔大多數。我地去到街市其實過晒食晏時間所以就唔洗等位，豬肉湯飯都係得一間所以唔會去錯第2間。 豬肉湯飯好多配菜可以一齊食，其中有勁恐怖既蛹～～ 得肥豬豬夠膽試乍，真係多謝晒。另外我地叫左個燒盲鰻。呢種鰻魚同我地食開日本個隻係兩回事，平時我地食日本個種係大條d同埋d肉係軟身既。但係呢隻盲鰻就細條好多，好似d bb 蛇咁兩隻手指咁粗啦，13－14吋長到。佢d肉係好爽，好彈牙，海水味比較重，成日睇running man 佢地食鰻魚，原來係咁既樣終於試到韓國鰻魚。 食完就係海雲臺海邊周圍行同影相，係海雲臺d 裝置品附近有個木頭比人放相機上去影paranoma，下面張相就係咁影返黎，好搞笑。 而釜山6月頭就有沙雕展，我地有幸影到一個半完成品。 晚上既海雲臺都有d景睇下，始終佢個沙灘都好近市區。一直跟住個海邊行可以行到入一個行山徑，中間有個美人魚像睇。 條行山徑都好多人行，韓國人都好健康，晚飯完就會落公園跑步。行到上公園頂會有個燈塔，個展望臺可以睇到廣安大橋同埋apex 會展，都幾靚。 點擊圖片放大 +2 出完汗緊係要beer beer佢嫁啦，黎到韓國炸雞啤酒一定唔小得啦。係酒店附近入左間，話說係兩個藝人開既餐廳，叫左個炸雞with mayo sauce。點解都係咁做，難度韓國既雞好食d？ 定係因為唔洗排隊所以食既時候心情又靚d所以好食d呢？ 哈哈。
