今日行程， 名古屋-土岐-下呂 今日好早就起身搭地鐵去大須觀音，一出地鐵行一個路口左右就會見到大須觀音既路標。 大須觀音入面棵櫻花已開，不過個個時同豚王諗左陣到底係梅花定櫻花，因為呢隻櫻花唔粉紅。(原諒我大鄉里，咁大個女第一次睇櫻花，嘻嘻) 係寺廟入面睇左陣，都好多日本去參拜，周地都係白鴿（ 好驚禽流感啊!!!!) 點擊圖片放大 +3 留左陣影完相就向住大須觀音街出發喇。 一入到去就見到長長既人龍，原來呢排好HIT 個間ALICE ON WEDNESDAY 係度，男男女女都係咁排，不過今日行程緊密既我地無時間慢慢排所以好快就行過左喇。 大須觀音街成條都係食同買，最多就係台灣食店，咁無理由黎到日本都仲食台灣野嫁~ 所以就周圍行搵日本小食，食左幾樣，最好食既都係章魚小丸子。(<3<3) 同香港個的真係無得比!!!行多陣就返名古屋站搵車，開始我地個自駕之旅! 拎完車就出發去土岐OUTLET，撞岩OUTLET大減價勁多人，間間店舖都要排勁長龍=( 原本諗住去DISNEY STORE 度買返的TSUM TSUM 野，係就係好平啊，不過排俾錢可能要成個鐘最後都係放棄左( 哭哭) 行左一個圈，最後係OUTLET 就只係買左的零食雪糕拎走 ( 食物控><;;) 哈哈~行到大概5:30 就要返車度起程去下呂市。 車程都要個幾鐘，去到應該大概7點鐘左右。 成程車都係行山路，小路，不停咁左轉右轉，轉下轉下就到左喇。 上左上面個氣溫即刻跌勁多，由名古屋既9度變左2度@@ 到埗即刻 CHECK IN ，因為入住溫泉旅館，所以有浴衣著，換好衫之後行出溫泉街周圍睇下行下，凍到震啊。行過條江邊有個户外公共溫泉好多男脫光光咁走入個溫泉度，一定好正 行多陣因為太凍啦，就返返旅館浸溫泉之後就休息期待聽日既行程啊!!!點擊圖片放大 +2
