出發啦出發啦~~~買完機票等左3個月終於出發啦!!! 今次坐HK EXPRESS 妟就機去日本中部機埸，因為HK EXPRESS 唔包飛機餐，所以就早啲到機埸食個飯先上機。 今程機勁爆，同豚王隔左行坐，不過都好唔洗比佢逼住晒=P 機上邊勁多古怪野，先有後面一行既幾位啊太用啲熱包FU眼。 豚王話勁似搵塊M巾 給住隻眼仲要一行3個，哈哈哈，前面情侶又嘈交，真係機上百態。難怪。 :roll: 下晏四點幾就到達中部機場，過埋關拎埋行李就去各大大推薦既遊客中心拎資料，之前想買既一日PASS已經無得賣。=( 不過算啦，問晒點去酒店既路就去搭名鐵... (其實咁多日名鐵，地鐵，日本鐵路都搞唔清>W<) 810円 就由機埸搭到金山站再轉地鐵到榮站就到酒店喇!!! 搞搞下都要成7點半先到酒店，放底行李就即刻出去行下去醫下肚喇。 誤打誤撞行左去食名古屋名物--手羽先。 點擊圖片放大 呢間係比較出名既舖頭，都要排下隊先入得，但係PORTION 就比較細碟。性價比就一般喇。不過佢個天婦鑼野菜做得比較出色，用既野菜係之前未食過，但係因為唔識日文正到而家都唔知食左咩野落肚，哈哈~ 食飽飽之後就去左OASIS 21 同電視塔度影下相，周圍行下，名古屋3月天氣都仲好凍，晚間只係得返大約9度。凍到我地DEE DEE 震。行多陣因為太凍頂唔順都返左酒店休息下，聽日早啲出發!!!
