最近好想食片皮鴨，上網搵到呢間古琴雅苑好似幾正，所以去試下。 叫左半隻北京填鴨、意大利黑醋排骨、無錫脆鱔。 北京填鴨半隻HK$188 佢呢個係連肉上，平時片皮鴨就只食皮，所以比起我想像中多肉食好多，睇落半碟細細但我足足食左兩籠麵皮先包得哂！半隻鴨全部起哂肉，HK$188感覺上好似都唔貴！ IG: mr.travelgenius 叫半隻鴨就會有一籠鴨卷餅，大約數過好似10塊左右。 如果食哂都唔夠，可以再叫HK$38一籠。 鴨肉好厚，皮唔多脂肪，肉好腍，幾好味！ 佢有6款配料，包括酸梅醬、甜醬、砂糖、青瓜、哈蜜瓜、京蔥。呢6款都可以無限追加，所以我就點一籠餅皮都唔驚無配料可以夾，超正，可以夾勁多料唔駛慳住食！ 我鍾意傳統食法！沾上甜醬青瓜京蔥，好味！ IG: mr.travelgenius朋友食法係青瓜京蔥再加甜醬砂糖，極甜。 意大利黑醋排骨 HK$98 我個人覺得太甜，醋味唔強，甜多過酸，似甜醋味。排骨炸到脆身再沾上甜醋，係幾開胃，但我叫左幾樣都係偏甜，搞到好漏......點擊圖片放大 無錫脆鱔HK$88估唔到佢係一堆炸到脆嘅鱔片，又係醬油+糖漬，偏硬身，好脆口，但又係好甜，所以話我唔小心點左3味菜都係甜的，搞到好漏..............點擊圖片放大 食落好似醬油糖漬小食，鬆脆，唔似主菜食品。 最後再叫左紅糖桂花湯丸HK$34 糖水，成餐都甜到爆 XD 但呢個薑湯甜得黎有好勁桂花香，好好味。 裡面係黑芝麻餡，好香呀，好好食，糯米皮好腍，總共有6粒，好好食！ 今餐我雖然只係叫左3樣野，但我地兩個人都飽到嘔，開頭以為會唔夠食，點知原來個北京填鴨食落都幾飽。 另外我睇到有D餐係叫雙親節限定，大約為起HK$300位，已經有哂唔同菜式預設比你2揀1，唔駛傷腦筋。 不過佢裡面嘅食物好似唔係我想要嘅野，所以我散叫，不過我發現自己叫埋哂D野全部都好甜，可以跟佢個餐食無咁危險，會平衡D。 如果人多可以點多人套餐，幾多人數嘅組合佢地都有，好方便呀。 古琴雅苑 (QRE Plaza)灣仔皇后大道東202號QRE Plaza 19樓電話號碼：69931025-----------------------------➥ 【窮遊達人】訂閱頻道－ https://www.youtube.com/c/窮遊達人MrTravelGenius?sub_confirmation=1📝 TIMBEE LO shop - 官方時尚精品購物網站https://www.timbeelo.shop/【最新影片介紹】足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
