最近去左銅鑼灣搵食，見到前身間TWIST 變左間餐廳，仲要好大好靚好岩打卡，於是就入去試下佢地個LUNCH SET。 入到去原來係一間越南餐廳，裡面裝修好認真細緻，好多位都可以影相打卡，如果唔係疫情爆發其實應該好多人，但呢個時間真係無太多客出現係銅鑼灣。 我叫左一個越式香茅豬肉飯伴特色蛋餅HK$128，餐飲揀左越南特濃煉奶咖啡。而我朋友就叫左鮮蝦墨魚炒檬粉伴蝦仁 HK$138，餐飲佢就揀左無糖越南高山綠茶。另外叫左兩個小食，想試下蕉花絲拌BB蝦沙律 HK$80 同埋素春卷 HK$42 (呢個算最平了) 【越式香茅豬肉飯伴特色蛋餅】HK$128 個飯好大碟，好豐富好多野。 但個蛋餅賣相幾得意，好似食緊馬來西亞菜咁。食落原來有粉絲、肉碎、有D似食緊中式水蛋肉餅，咸香味重。 豬肉就好香好甜，好肥美香口，仲有一兜醬汁比你沾黎食，係酸甜辣醋，好開胃！ 【鮮蝦墨魚炒檬粉伴蝦仁】 HK$138炒檬粉都好大碟，有幾隻蝦仁同埋好多墨魚片，味道咸咸地幾鮮，但味道唔係算太突出，只屬正常。 炒得幾濕潤，唔係好乾。 【蕉花絲拌BB蝦沙律】 HK$80呢個小食幾特別，醬油炒蝦乾味，咸香味重，都幾足料。 睇落好似好多唔同材料，但我就真係唔知用左咩食材，不過口感幾好。 比左3塊蝦片我盛黎食，老實講真係唔夠用得3塊，因為份量都幾多，比10塊我就差不多。 【素春卷】 HK$42炸素春卷呢個真係太正常，食材上同坊間無咩大分別，但唯一可以提係佢個炸皮就算沾完汁都仲好脆唔會即刻腍哂，而個醬汁都好惹味，但份量真係唔係好多，得2條唔夠喉。點擊圖片放大 【特濃煉奶咖啡】賣相好靚，上檯時冰杯同咖啡分開上，但煉奶就已經加左係咖啡度，味道幾香，我本身都唔太鍾意飲咖啡都覺得幾好飲，可能因為好多煉奶，變得好易入口好香甜，跟餐飲品黎講認真高質！ 最重要都係呢度環境好適合D女仔黎打卡，好多位都好靚，特別係2樓有個燈籠陣，店員都好歡迎食客上去打卡影相。 其他內部環境點擊圖片放大 +11 Lúa地址 : 銅鑼灣東角道26號怡安大廈1樓13-15號舖及地下13-16號舖TEL: 37958620-----------------------------➥ 【窮遊達人】訂閱頻道－ https://www.youtube.com/c/窮遊達人MrTravelGenius?sub_confirmation=1📝 TIMBEE LO shop - 官方時尚精品購物網站https://www.timbeelo.shop/ 足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
