今次想分享一間日本昭和感輕盈風餐廳「KAKU」。 最新上網見到土瓜環有個新景點叫啟岸。 樓下有 個好岩打卡嘅地標，好似去左日本咁，一解思鄉之情！ 而呢個啟岸，佢嘅特色係所有餐廳都係日本風格特色餐廳，做到好似小日本咁，而我就揀左KAKU黎試下，貪佢裝修夠岩打卡！ 上到去1樓就見到KAKU，門面都好有體面！而且好隱世，唔會好多人，坐得好舒服，可以靜靜地咁享受LUNCH。 .點擊圖片放大 +4 由於而家只有午餐供應，所以我地就試下佢地個LUNCH SET。 我地叫左雞肉味噌沙律、明太子意粉、拖羅鰻魚炒飯。 開頭想食D菜，所以我地兩個人叫左3個餐，其中一個係雞肉味噌沙律餐。 佢個餐係「餐湯/沙律」2選1。因為我地兩個都想試佢個龍蝦湯。 但叫左3個餐之後，就變左跟餐多一份沙律。 點知跟餐果個沙律原來都好大碟！！真心嚇親！好抵食喎！ 餐包有兩款，質感好鬆軟，外皮脆口，聞到陣陣小麥香，好新鮮好好食！ 隨碟附上兩款牛油，有味噌牛油同蒜蓉牛油，食落好香甜！ 至於個龍蝦湯更加不得不提，佢係好似法國菜煮法嘅龍蝦湯，係烤焗龍蝦殼煮成的，勁濃勁香，真係呢碗湯都好值錢！好好飲！ 竟然用呢個咁高質嘅龍蝦湯黎做LUNCH HOUR餐湯真係好誇張！ 之後就要介紹下跟餐個沙律，非常大份！ 絕對唔馬虎，我諗呢個沙律份量出面都賣緊HK$60左右！ 囉上手都咁大碟，你就睇得出佢真係同正餐版沙律差不多！ 佢沙律上面有少少豆腐同芝麻沙律醋，惹味開胃又好食！好正呀！ 至於正餐果個「雞肉味噌沙律」，份量就再多D，更大盆，但都唔係大好多，不過主菜嘅雞胸肉就多好多！ 以慢煮雞胸肉加上黑椒、蒜蓉、油醋沙律汁製成。 有好多唔同款嘅沙律菜，包括鷹嘴豆、車里茄、藜麥，勁豐富！ 慢煮雞胸肉完全唔鞋口，好腍好好食，味噌同醋好夾好開胃！ 另外兩款主菜都登場啦，因為太靚所以都快快手擺個POSE影下相先！好大碟！ 拖羅鰻魚炒飯，原來佢個賣相好特別！開頭以為只係一個普通炒飯上面擺少少鰻魚，原來佢係原條鰻魚圈住左個粉飯，好特別呀！ 拖羅以蓉末狀態出現，上面再蓋上飛魚籽，好似食緊一件巨型壽司！ 切開睇睇，裡面炒飯都足料，用左日本洋蔥炒，甜味有層次，又有少少咸香，唔通係味噌定醬油炒呢？ 食落時再夾上厚厚鰻魚+吞拿魚蓉，好RICH好飽滿嘅口感，好幸福呀！ 明太子魷魚筒意粉，有好香好濃嘅明太子醬撈埋奶油煮成，係一道傳統嘅日本料理西式意粉， 明太子味道好鮮味，好彈牙嘅魷魚圈，真係好好食。 意粉結實有咬口，好濃稠嘅奶油，好掛麵。 最後仲會送上餐茶及餐後甜品，呢個價錢真心超值................. 呢款奇異果奶油拿破崙，好鬆脆，表面有少少鹽花，咸咸地好惹味，似咸食多過甜品。但個奇異果有D酸，不過都好好食，真係好高水準。 另外朱古力霧絲蛋糕，好鬆軟，但賣相同味道都唔太特別。 餐茶都有好多款可以揀，賣相都好靚！好鍾意呢度呀！ 跟餐第三杯就試左咖啡梳打，幾好味幾特意，賣相夠靚好岩打卡。 係度同朋友食野傾計真係可以坐到幾個鐘。佢一個LUNCH SET大約平均HK$150位左右，有高級餐包、龍蝦湯/豆腐沙律、主菜、蛋糕、靚茶，5樣單品，其實除返開都係大概HK$30款，好平呀!!!!!!我會再去食過呀，因為土瓜環呢頭好少人，又有日本居酒屋街頭打卡景點，仲有咁高質LUNCH可以食，正呀！順帶一提佢個下午茶TEA SET都好平！影完當食左，下次再去試過！ KAKU地址：土瓜灣馬頭圍道63號啟岸1樓11號舖電話：6765 5531-----------------------------➥ 【窮遊達人】訂閱頻道－ https://www.youtube.com/c/窮遊達人MrTravelGenius?sub_confirmation=1📝 TIMBEE LO shop - 官方時尚品購物網站https://www.timbeelo.shop/ 足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/
