最近去左K11 Musea同老闆食LUNCH，佢帶左我去一間好神隱好難搵嘅餐廳「五武士」。 原來佢身處係K11 Musea另一座大廈裡面，唔係巨型波波主大樓裡面，我都有少少難解釋，不過唔緊要，睇睇呢度食咩先！點擊圖片放大 我地點左一個午市套餐，但點左最貴的HK$598 鹿兒島和王A5和黑毛牛柳+北海道帶子鐵板燒套餐。另外再點左四國蕃茄+幾款串燒+燒物，呢餐相當豐富！ 今次老闆買左新相機SONY A7C比我，所以我今次影嘅相靚左十倍！五武士自家製生啤 300ML HK$68老闆點左杯五武士自家製生啤，原來五武士係以酒為主打，有推出自家製酒品，不過午餐時間我地無叫咁多酒黎飲。點擊圖片放大 老闆話好香麥味，有少少花椒味，好特別，勁開胃！ 首先上左桂花蜜蕃茄，同埋午餐SET LUNCH的前菜。 四國高糖蕃茄桂花蜜蕃茄以四國高糖蕃茄製作，甜度比正常高一倍，食落好似水果咁甜。 再淋上桂花+桂花蜜，有超香的桂花香，味道好香甜，加上蕃茄水果鮮味，食落好開胃！ 跟餐 漬物酸酸地好開胃，唔錯。 跟餐 茶碗蒸以香菇片、白果、毛豆、蟹肉等等食材製作，好豐富口感，真心好好食！雞蛋蒸到好滑，完全無泡泡面，非常精緻。 跟餐 沙律以多款沙律菜+紅玉蘿蔔+車里茄+青瓜等等製作，新鮮開胃，做前菜沙律好清新。 跟住就開始上串燒，原來佢地串燒部嘅師傅大有來頭，由前香格里拉第一代「灘萬」師傅主理，全部醬汁均由資深師傅自家製作，十分獨特高水準！點擊圖片放大 +4 串燒伊波美雞尾好特別用上左伊波美雞的屁股位置製作串燒，相當矜貴！雞尾出左名叫做百里香，燒烤出黎因為油脂豐富，香味特別強勁！由於油脂重，所以肥美香甜，食落無任何大眾擔憂的味道，處理得好好，真係好好食！ 農家煙肉洋蔥串以日本農場的自家製煙肉製作串燒，非常厚肉。洋蔥於燒烤時吸收了煙肉的豬油，顥得更香甜多汁，好咸鮮味，好食！ 月見手打免治雞肉串月見部份以日本初生雞蛋製作，味道比較甜，而且蛋白質含量極高，需要於生蛋後72小時內去到餐廳，所以係非常新鮮美味！ 手打雞肉加入淮山、菠菜、雞軟骨製作，手打免治雞肉比機磨更有咬口，更彈牙，雞軟骨又有咬口，沾上蛋汁更加JUICY美味！好好食 ！點擊圖片放大 蜜味燒銀鱈魚較以上白身魚油甘魚的魚鮫製作，份量好大件，燒烤時加入少少蜜糖，更香味可口多汁！兩個人SHARE都夠食，唔錯！點擊圖片放大 +2 跟住落黎係一人份午市套餐的主菜「鐵板燒」鐵板燒師傅同樣大有來頭，分別來自名店 「四季菊、天空龍吟」等等，全部都係資深名廚， 首先有北海道帶子點擊圖片放大 師傅以鐵板燒煎香帶子，內裡7成熟，軟腍鮮甜，食落剛剛好。點擊圖片放大 底下墊上有機小啡菇，再以菇菌湯底浸泡，好重菇味！ 鹿兒島和王 A5黑毛牛柳 以日本和王級的黑毛和牛牛柳以鐵板燒處理，師傅純粹手法真係令人嘆為觀止！點擊圖片放大 和牛食法簡單，直接咬落去好軟腍彈牙，肉汁四射，完全無筋，真係好高水準。點擊圖片放大 偶爾夾上伴碟的炸蒜片同時享用和牛，更別有一番風味！ 鐵板燒份量唔算多，不過贏在有兩款分開上，感覺上都幾滿足，好似食緊法國菜。 最後送上鐵板燒炒飯+麵豉湯 跟餐 鐵板燒炒飯味道簡單，炒得好乾身，粒粒分明，新鮮熱辣，好暖胃啊！跟餐 麵豉湯以黃麵豉製作，好咸香，好好飲熱辣辣。呢度整體嘅體驗都非常之好，好高水準，而且都有幾個打卡位，仲可以望到維港海景，好唔錯！點擊圖片放大 +5 我都係呢度打左好多卡影左好多相，LUNCH HOUR黎影相個光線仲影得好靚添，不妨黎呢度試下佢地個LUNCH SET，我下次黎要再試下其他SET先！因為個CP值真心係幾高呀！ 雖然價錢都有D貴，CP值唔高，但真心係物有所值，因為總共食左8百幾蚊，其實都算好多款食物，質素又高，環境又靚，都真係唔錯。 五武士Five Samurai地址：尖沙咀梳士巴利道18號K11 Musea1樓125號舖-----------------------------➥? 訂閱頻道－ https://www.youtube.com/c/窮遊達人MrTravelGenius?sub_confirmation=1📝 窮遊達人 - 官方網站https://www.timbeelo.shop/ 足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured🅿️ Facebook - https://www.facebook.com/mr.travelgenius/📸 Instagram - https://www.instagram.com/mr.travelgenius/-----------------------------#nft #nftart #nftcollector #nftartists #nftcollectibles #nftdrop #nfts #nftartwork #hongkongtravel #cheungshawan #hkfoodie #foodiehk #hkfood #hkfoodblogger #foodstagram #香港美食 #hkfoodstagram #香港好去處 #spanish #spanishfood #nft #nftart #nftartists #nftcollectors #nftcollector #nftartwork #nftdrop #nfts #nftartgallery #nftartist #spanishfoodhk #hkspanishfood #hkfood #hkfood #五武士 #fivesamurai #tstfood
