今日就係平安夜啦，你地諗好左去邊度食晚餐未呢?不如等我介紹一個超高質嘅原隻龍蝦晚餐比大家啦！ 龍蝦餐係聖誕新年限定，所以真係機會難逢，想試一定要盡快黎試下。HK$698/位 (10%服務費) 【頭盤】供應法國吉拉多La Rochelle生蠔，以法國生蠔黎講真係好大隻！清爽鮮甜，唔會好腍，好有鮮味，啖啖肉，好正！ 【法式濃湯】今次套餐我揀選左法式龍蝦湯。以新鮮非雪藏澳洲龍蝦製作，以龍蝦殼烤焗後，再加入白蘭地、茴香、蔬菜、魚骨等等煲足8個小時，十分重龍蝦味，飲落真係非常濃郁！極高質！點擊圖片放大 +2 【餐前沙律】法國Brittany原種蕃茄配藤椒油。 以法國Brittany原種蕃茄為主角，每一粒都係法國新鮮完熟空運到港，食落好彈牙仲勁鮮甜，完熟蕃茄幾乎無酸味，好似食緊水果咁甜，味道相當溫馴！再以綠胡椒(花椒) 配上欖油、醋、白酒製成主調醬汁味道，感覺好似食緊麻辣風味但原來係一道法國菜，口味配搭相當新穎！點擊圖片放大 【主菜】燒澳洲龍蝦意粉，賣相極度誇張養眼！ 採用澳洲新鮮龍蝦，以扒爐燒成半生熟狀態，外爽內軟，原來龍蝦係新鮮刺身級，所以先可以做成半生熟狀態享用！龍蝦肉質好彈牙鮮甜，真係好新鮮呀！而且龍蝦肉非常之大條，真係用足一隻原整龍蝦，好奢侈，呢個價錢可以食到真心超值！而意粉方面，以最完熟的蕃茄芯，打碎混上龍蝦濃湯，再加上法國牛酒及忌廉煮成醬汁，拌上廚師即製手工扁意粉，濃濃的龍蝦醬汁掛上意粉，真係好好食！點擊圖片放大 +3 【甜品】Lava Cake 朱古力軟流心蛋糕 店員表示由當店廚師全手工製作，絕非入貨商品，所以淨係睇賣相都覺得好精緻同新鮮結實。用足70%純可可粉製作，朱古力濃度極高，食落外面好鬆脆，一切開就感覺到裡面嘅流心狀態，超軟綿綿！即使切開，內裡流心都唔會流水般傾瀉，超濃郁的70%可可醬，保持濃稠彈性，食落雖然可可好濃但唔會好苦，甜度亦剛剛好，用料真心大讚！點擊圖片放大 +2 呢個餐本身只係需要HK$598，只係因為轉龍蝦要加HK$100，所以先至HK$698。今次我就試左龍蝦意粉，其他菜式等你試完話我知啦！Amusement以全開放式廚房即時製作所有菜式，坐係店裡面已經聞到好香好香嘅味道，令人食指大動，坐多陣都會越來越肚餓呀！ 【Amusement】you joy. our amusement地址 : 香港長沙灣福榮街538號地舖2號訂座電話 : 2666 6019 -----------------------------➥? 訂閱頻道－ https://www.youtube.com/c/窮遊達人MrTravelGenius?sub_confirmation=1 📝 窮遊達人 - 官方網站https://www.timbeelo.shop/ 足本節目 ⏬Full Version ⏬Facebook/YouTube 搜尋Search🔥窮遊達人 Mr. Travel Genius🔥 🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured 🅿️ Facebook - https://www.facebook.com/mr.travelgenius/ 📸 Instagram - https://www.instagram.com/mr.travelgenius/
